二人以米線作晚餐, 除左譚字頭, 仲有呢間米線陣作選擇, 有幾間分店, 呢間係位於將軍澳

餐牌上除左有自選配料作散叫外, 仲有一人餐供應, 我地就每人叫左一個

一人餐包括自選米線(有數款配料/湯底供選擇)

我地各自叫左(木耳雲吞配酸辣湯底, 每碗米線都有少量腐皮及芽菜)

酸辣湯味道好搶, 酸辣度好岩我口胃, 而木耳爽口及雲吞係有鮮蝦, 正!

另一款係豆卜肥牛配蕃茄湯

未食已聞到香甜蕃茄味, 肥牛亦唔算好肥, 唯份量少左D

套餐仲包埋三款小食, 麻辣海蜇, 蒜香青瓜, 其中一款可選豬軟骨/口水鷄, 我地二人每款叫一樣

仲包埋特飲, 識飲當然叫青檸梳打

呢款滋味一人餐價錢($72), 唔駛加一, 米線份量都唔算少, 食晒成個餐真係好飽^^

contact me :  [email protected]