之前食過幾次晚飯,  感覺唔錯, 冬至飯於是再次幫襯,  到今次先發現係好彩集團其下酒樓

冬至飯, 梗要食豐富D, 大家你一言我一語後, 得出以下菜式 :

北京填鴨 (二食)

切片食, 帶少少肥膏, 上菜時已凍左少少, 好彩個粉包皮仲熱, 補不足

炒鴨鬆(生菜包)

味道單食就頗濃味, 但包埋爽脆生菜就岩岩好

芝士焗龍蝦

龍蝦肉大量, 肉質彈牙, 配以香滑芝士汁加伊面底, 好快被掃光

大斑兩食, 包西芹炒斑球及清蒸頭腩

份量好足, 但魚肉味道一般, 反而西芹炒得幾好食

千島香芒貴妃巨蝦球 (一客大約有6隻)

呢款係每次黎都必叫, 蝦球彈牙, 一隻要2-3啖先食完, 配以香甜芒果醬加少少火箭菜, 正!

香燒豬肋骨

無論賣相及味道似街買既燒排骨, 個人覺得偏咸, 要叫返杯可樂加冰黎解咸

要為飯局劃上完美句號, 點少得甜品呢?!  個人推介焦糖燉疍

侍應招呼週到, 加水換碟自動波, 讚^^

彩晶軒: 黃大仙現崇山商場二樓

contact me :  [email protected]