之前有朋友告知佐敦有間食醬油蟹好出名既韓國餐廳, 離遠已經見到門口排隊等食既人, 決定放棄!  行下行下又比我地見到呢間同名小店, 一於入去開餐

呢間小店(醬缸小食)主打似係家庭式經營, 店內亦有醬油蟹及蝦供應, 我地一行數人肚餓指數高, 叫飯餐食算數

落單後先送上三小碟伴菜

呢款係滑豆腐辣海鮮湯, 配白飯 - 熱辣辣上枱, 湯底味道似辛辣面湯底, 海鮮料有魷魚, 蜆等, 一路食, 一路流下鼻水, 辣得幾過癮, 凍天氣食時包你成身暖晒

我既至愛大醬湯, 即係韓國麵豉湯, 材料包括滑豆腐, 洋蔥, 翠玉瓜粒同蜆, 味道濃淡適中, 食完又唔覺口渴喎!

食完湯類, 叫返碟牛肉炒粉絲 - 牛肉份量都幾多, 粉絲又彈牙, 加埋面頭既芝麻, 提昇佢既香味

牛肉伴飯 - 份量頗多, 2人分享都OK, 加埋特有辣椒醬撈埋一齊食, 愈食愈想食

最後黎個韓式海鮮煎餅 - 煎餅煎到金黃色, 賣相討好, 材料亦都幾豐富, 輕易食到魷魚, 蝦, 餅邊食到香脆, 配少少辣椒醬一齊送入口............嗚....正呀~~

價錢親民, 食得滿足, 下次會再黎!

地址 : 佐敦吳松街159號地下

contact me :  [email protected]