團年飯, 唔想食套餐, 唔想分兩輪時間限住, 叫盆菜食乃係最快捷又夠睇頭, 新年頭當然要攞個好意頭,  盆菜包羅萬有, 寓意咩都有, 認真好意頭

見佢係報紙賣廣告, 被佢"一盆都送"呢四個字所吸引, 即時打電話問詳情然後落單

我地叫左鮑魚節日盆(細), 4-6人份量 - $980

送埋6位餐具

由樓下拎上樓, 覺得好重手, 打開膠袋就見有鍚紙封蓋, 仲有顧客溫馨提示

呢個盆菜盆可以係電磁爐上加熱, 好方便!  加熱後就打開錫紙.........

哇......................................簡直與描述不相符, 呢度份量點止係4-6人? 10個人都夠食

面層有12隻罐頭鮑魚, 鷄, 燒鴨, 蝦(有美極味道, 無梅), 炆豬肉(唔肥); 中間有魷魚, 蠔士, 鴨掌; 底層有蘿蔔, 芋頭(夠粉), 豬皮 (入味), 魚旦(彈牙)

味道唔濃味, 無咁重南乳味, 食完都唔覺口渴, 當晚7個人都無辦法食得晒, 勁量呀^^

四季盆菜專門店 : 屯門青山公路169-181號錦興大廈地下7號鋪

contact me :  [email protected]