行過兆萬中心樓下, 見到好多阿姐係度派食店優惠傳單就知呢幢大廈有好多食店, 搭電梯到三樓就見到呢間食中日料理放題
任飲任食2小時, 價錢由$149起, 見唔駛等位可直入, 於是就展開我既放題之旅
要落單就只要寫係呢D顏色紙上, 見佢食物選擇都唔少, 包括刺身, 日式前菜, 軍艦, 炸物, 中式小食, 壽司等
先黎過刺身同壽司, 刺身食落都算新鮮, 款式選擇又多, 唔會食到D未完全解凍就上枱, 欣賞佢壽司SIZE細細件, 唔怕"質"飽你, 可以試多幾款
日式前菜當然要食螺肉, 中華沙律及蟹籽沙律
之後又試下炸物 - 炸漿唔太厚, 上菜時仲係熱辣辣, 最喜愛係佢個炸流心芝士年糕, 芝士味超香濃, 獨自KO左2個!!
再試下D燒物, 蜜糖燒鷄翼(燒得皮香肉嫩), 鷄軟骨, 燒牛舌, 多春魚及燒菠蘿(好多汁呀.....正)!
見隔離枱都有食燒蠔, 我地當然唔會錯過啦 - 香辣燒蠔(味道惹味); 另一款係芝士白汁燒帆立貝(食到好香芝士味)
最後以一碗肥牛湯烏冬作呢餐既句號, 湯底充滿昆布甜味, 烏冬就稍為軟身左D, 熱辣辣而且份量都幾大, 足夠2人分享
我地係七點入座, 價錢係每位$189, 需加一, 記住唔同時段入座, 價錢都唔同架!!
總括黎講, 侍應反應夠快, 上菜速度亦夠快, 仲要無漏單, 唔駛擔心要自己跟手追單!
地址 : 旺角西洋菜南街1號兆萬中心3樓301號舖
contact me : [email protected]
|
