印象中既黑布街係車房為主, 唔知幾時開始就被食店開始佔據, 仲好.....又多一條"食街"

但凡諗唔到有咩想食時, 食日本野出事既機會率.............係低既!  呢間主打串燒手打烏冬既食店, 見到門口食物相片, 相信選擇都幾多, 梗會有野岩食, 一於呢度開餐!

 見佢餐牌有三文魚刺身 (八切), $48都好扺食 - 每片都幾厚身, 食落都鮮味, 唔錯!

友人係芝士控, 見到呢個芝士烏冬鍋(可選海鮮/牛肉) $68

份量適中, 選左牛肉配料, 面頭再洒上芝士碎, 芝士汁食落幾香滑, 而烏冬亦彈牙, 食完唔覺好"漏".

見天氣熱熱地, 我就點左呢款天婦羅冷稻庭, $68 - 天婦羅包括炸蝦2隻, 冬菇, 南瓜及蕃薯各一, 炸漿唔厚, 食落熱辣辣, 配埋個冷烏冬一齊食, 一熱一凍, 口感特別! 正^^

見食物水準唔錯, 點多個芝麻鷄翼, $38 - 一客有兩隻, 炸到好皮香肉嫩, 加埋個芝麻香味, 好味!!

二人埋單都係二百幾蚊, 價錢相當合埋, 唔怪之得客人不斷進出, 好彩早D入座, 唔係就要等位啦

地址 : 旺角黑布街19號地下

contact me :  [email protected]