又去工廈開餐啦, 想係呢幢嘢搵食難度唔高, 呢間CAFE門口以花草作裝飾, 有如進入花園一樣
去工廈開餐, 空間感足夠是常識吧, 以掛上植物為裝飾, 加上精緻吊燈, 無論三五知己或一大班人都適合!
餐牌上提供小食, 沙律, 主食, 特色甜品及飲品, 價錢望落幾親民, 亮點仲要係免收加一!
晚市有套餐供應, 二位用/$378, 由餐湯, 小食, 兩客主菜, 甜品及飲品都包, 相當抵食!
是日餐湯為忌廉磨菇湯, 湯比較杰身, 食到磨菇粒粒, 幾重菇味, 配埋多士一齊食作為呢餐�H開始, 感覺唔錯!
愛食香口嘢, 所以小食點左呢客美國粗薯條, 熱辣辣上枱, 無灑上任何調味料, 另有茄汁及黑松露沙律醬! 原味食食到薯味; 點黑松露沙律醬亦都好味喎, 用手食都唔會食到手指沾油, 感覺無咁罪惡!!
主菜之一, 蜜糖燒春鷄, 擺盤吸睛, 有炒雜菇及以紫薯墊底, 春鷄燒至色澤金黄, 再附以燒汁及蜜糖作調味!
春鷄黎講都唔算細隻, 2人分享都仲得, 燒至皮香脆, 切開時聽到"咔嚓"聲, 味道偏淡, 食到原味, 若然唔喜歡, 可加醬汁/蜜糖, 肉質幾嫩滑, 就算鷄胸肉都唔會好鞋口!
另一客為海鮮南瓜意大利飯, 以青口, 蝦, 大蜆及魷魚舖滿成個意大利飯, 賣相吸引!
加入南瓜煮成醬汁, 包圍每一粒意大利飯, 食到微微南瓜甜味; 海鮮類有驚喜, 青口及蜆夠大隻, 一粒沙都食唔到, 只食到鮮甜味; 而蝦就肉爽口, 有蝦味, 質數有水準!
可正價減$20升級至其他特飲, 我呢杯泡沫鮮奶咖啡只需補$16, 口感順滑, 咖啡味香, 再大杯D就仲好!
是日甜品係芒果布甸, 味道普通, 芒果味唔太濃; 加$28可轉朱古力心太軟, 雪糕球有幾款味道可選擇, 我地要左綠茶味!
熱辣辣切開已經見到朱古力流出黎, 尤如火山熔岩, 朱古力味幾濃, 甜度岩岩好, 唔會甜到會"確"喉, 呢$28抵加!
I's Land Cafe : 觀塘開源道62號駱駝漆大廈1座6樓A室
|
