太耐無同友人A飯聚，想食得特別少少，訂位食呢間

上黎食飯，某程度上都係為左呢個海鮮拼盤，包括生蠔，鮑魚，青口，帶子及鮮蝦，伴以兩款(香草酸汁及冬蔭公)醬汁

生蠔配香草酸汁代替檸檬，雖然肉比較薄身一點但蠔味適中; 冬蔭公汁就配青口

鮑魚已經汁煮，無任何醬汁配食，入口彈牙夠口感

最後係甜味噌醬配帶子，軟滑香甜無得輸

肉骨茶就飲得多，加埋海鮮嘅真係第一次試，呢客海鮮肉骨茶，加左鮑魚，魚，蝦及帶子，成個感覺不期然高貴咗

可能要照顧到海鮮呢部分，肉骨茶味道

"輕手"咗，食海鮮時仲可以食到本身鮮味，尤其隻巨型帶子，正呀!

又湯又蠔杯係咩玩法呀?!  試下呢客鮮蟹肉濃湯配生蠔杯就知道!

侍應教路先搞均底部嘅蟹肉，先飲半客湯，香濃蟹肉味衝入口中，然後再食生蠔杯，簡直係蟹同生蠔嘅鮮味大對決，再飲埋半客湯...............搞掂!

前菜為油酥餅配紅咖哩蟹肉醬

辣度為BB級，加入蟹肉醬及蟹籽，淋上去熱辣辣油酥餅，D咖喱汁慢慢滲入鬆軟油酥餅，先食到濃香蟹肉醬味道，然後又有蟹籽嘅脆感，食一件好似唔係幾夠數...............哈哈...!

主菜出場 : 呠酒燴紐西蘭羊膝配鮮蝦，擺盤乾淨俐落，配菜有白蘿蔔 (呢個好味，用上湯煮到入晒味，清甜無渣)，軟甜蕃薯蓉及法邊豆，仲有多汁蕃茄!

呠酒醬汁加埋椰菜及磨菇片，原隻羊膝煮得夠火候，骨肉輕易分離，食到少少黑椒味道，羊膝肉質腍滑，羊味偏濃但絶對可以接受!

唔好漏左隻蝦喎，用刀叉都輕易拆殼，肉質頗彈牙!

今晚主菜，估唔到係羊豬大戰，呢客西班牙黑毛豬肋條肉，唔好睇佢外表斯文，原來係勁嘢黎

肉味超濃，一咬D肉汁已經係口腔大爆發，若果食得膩感，可以食件香草菠蘿中和一下味蕾

食晒主菜，係時候到甜品出場啦，呢客原隻日本桃雪筢，冰凍軟滑，每一啖都食到桃嘅香甜味，日本貨果然唔同D!

每次黎食飯都有新菜式，對於怕悶嘅香港人有口福了...................

contact me : [email protected]