呢幢大廈佈滿各式各樣餐廳，呢間主打南越菜嘅係其中之一，打開升降機門就見到中間嘅搶眼燈箱，播住節拍音樂，裝飾有別於傳統越南餐廳............COOL!!

見到枱上餐紙，不禁回心微笑一下

肚餓啦，叫嘢食先，呢客脆米紙薄餅 ($48)作為前菜小食都幾合適

事關成個"薄餅"咬落薄脆，配合青瓜甘荀絲及千島醬，口味幾令人開胃，而越南香腸粒增加惹味，平衡成個食物味道生態!

友人歡喜食脆口嘢，呢客南越蟹肉醬配脆球餅 ($68)應該幾得佢歡心

蟹肉醬另上，按個人口味"釀"入脆球餅中，蟹肉醬入口果真滿滿蟹肉，略為重味左少少，而個脆球餅夠晒香脆，一啖有兩種口感，再食塊青瓜清下味蕾又再食個!

見到呢個紙袋，入邊唔一定係薯條嘅，呢袋係SHAKE SHAKE 鷄軟骨 ($48)

將辣椒碎及青檸汁加入紙袋，封埋袋口再SHAKE幾SHAKE ，打開就見到入邊有炸香芧檸檬葉鷄軟骨啦，加埋辣椒碎增加辣度，熱辣辣香脆有咬口，用黎佐酒一流呀!

飲品方面呢度有唔少特色飲品，就好似呢杯柚子雲朵咖啡 ($32)，柚子醬與咖啡嘅相遇，入口先有咖啡嘅香味，之後就有柚子香甜味，出奇地覺得幾解渴~~

而呢杯微藻檸檬薑茶 ($28)，挍均後會變成紫色，似係蝶豆花個FD之類，用黎打卡一流，而味道偏向檸檬茶，薑味唔太出，一杯足夠一餐飲用!

主食點了呢客招牌金邊粉 ($88)，附上甜辣醬，多款牛材料，如牛丸，牛腩，生牛肉，牛筋!  與食開嘅火車頭分別多左油炸鬼，用黎索湯食都唔錯!

牛腩口感帶嚼勁，連帶筋位，唔會痴牙，亦相當入味!

金邊粉入口順滑，湯底偏甜，配埋金不換浸湯一齊食，越南味倍升!

對於南越菜認識唔多，今晚呢D菜式都係第一次食，但印象唔錯都好岩食，下次可以再試下其他款!

contact me : [email protected]