呢輪確診數子回落，多咗人出街食飯，連帶火鍋店生意都多番D，邊爐精友人相約我去呢間開餐
招牌嘅黃金芝士或火焰麻辣鷄煲今晚唔食，專心做好一件事.................................打邊爐
打邊爐又怕熱氣，阿媽教落選擇皮蛋芫茜湯 ($78)，呢度嘅湯底唔止得呢2樣食材，仲有豆腐，蘿蔔同粟米，湯底呈奶白色，入口清甜，身為芫茜控嘅我，略為再多D芫茜就仲好囉...........哇哈哈!
黎呢度必叫嘅係呢客手切新鮮牛頸脊 ($228/小)，每片切成蝴蝶形，脂肪分佈平均，顏色吸引
拖幾拖一轉色就食得，歡喜佢肉味香濃，質感鬆軟，夾少少芫茜蔥碎一齊食亦得...........得咗!
今次唔食鱔片改叫脆鯇腩 ($98)，厚切6件搭舊魚骨
腩位主要得條大骨，偶爾有小小碎骨，對於我黎講係幾方便，肉質相當爽脆，用黎打邊爐就岩晒!
多款丸類中，當然要食手打架啦，呢份手打鮮蝦丸 ($43/半份)，形狀不一，仍然睇到蝦肉粒在內，真材實料
浮起就食得，入口相當彈牙，食到蝦肉味，同手打墨魚丸一樣咁正!
湯底有豆腐，但我地仍然叫呢客蜂巢冰豆腐 ($24/半份)，可見我地對於豆腐嘅喜愛度有幾高
話同樣係"一家人"，但口感梗係有分別，呢個用黎索湯食，食時真係要小心熱湯!
根據非正式統計，丸同餃好多時會同場，今晚都唔例外，鮮製韮菜餃 ($43/半份)是也
隻隻都相當飽滿，內裏餡料菜同肉比例係八比二，多菜少肉係餃子界大趨勢，歡喜食韮菜會相當開心 :)
唔知係疫情關係定其他原因，今晚呢度無Live Show，期待下一次黎有歌聽!
contact me : [email protected]
|
