今晚係友人係呢區返工嘅最後一日，幫佢手搬走私人物件，順便係附近開埋餐，近近地就去咗呢度
坐底後先送上炸脆片，另有千島醬點食，當作前菜熱下身先
食物種類有小食，沙律，薄餅，意粉/焗飯，肉食至甜品都有，另有Drink Menu
唔想傷腦筋，就叫Set Dinner
忌廉椰菜花湯同田園沙律同一時間前後上枱，當然趁熱先飲湯，湯身較薄，有椰菜花嘅香甜味，無餐包或多士伴食，但我有薄脆片，可以沾湯一齊食!
而個沙律基本上都係沙律菜，青瓜片及粟米，加入幾粒爆珠，當堂得意咗!
"喜羊羊"友人選擇呢客法式紅酒燴羊膝 ($198)
原隻煮至骨肉分離，肉質仍保持嫩口，配上紅酒醬汁，滲出啖啖羊味! 仲有黑松露薯蓉及露荀作配菜，食埋份量岩岩好!
而身為牛魔王的我，就點咗磯燒紐西蘭牛肉眼扒配黑松露燒汁 ($258)，無寫有幾多安士，但估計應該有8安士
肉上有燒紋，私人暗地裏加分
全件肉眼無咩脂肪位，肉質帶點嚼口，肉味偏淡， 全件食晒飽晒!
包餐飲，想飲Latte另加$10就可以，熱度夠，先飲到香滑奶泡，咖啡味香，又唔錯喎!
輕輕鬆鬆完餐，在此祝友人新工一帆風順!!
contact me : [email protected]
|
