呢條街兩旁開滿各式食肆，有新店亦有舊舖，唔行過都唔知!  今晚哈日友人相約我去呢間新開嘅居酒屋，圖像搶眼得意，上一樓就到

搶眼日式燈籠作點綴，話明居酒屋，各類型酒亦已預備好，眼見客人出去雪櫃睇下有咩酒岩飲.....哈哈!

有幸安排到卡位，坐得相當舒適又帶點私隱，仲有歡迎小食作見面禮，咁就唔客氣，一路食一路睇下餐牌食咩先

呢期芫茜超紅火熱，各社交媒體都有介紹，當中代表作濃厚芫茜鍋相當出位，食好"茜"留待下次同茜友一齊黎先食

食完開胃菜蕃茄漬後，想再清新開胃D，叫呢客煙燻牛舌蕃茄沙律 ($68)，顏色配搭吸引

材料以紫洋蔥及車厘茄代替沙律菜，紫洋蔥帶點辛辣，配合埋淡淡煙燻味嘅牛舌絲，雙重口感與味道!

唔食濃厚芫茜鍋，改食薩摩赤鷄鍋 ($268)，食材包括 : 薩摩赤鷄 300g + 野菜豆腐盤

薩摩赤鷄個名當佢係日本鷄種，片肉去骨，鷄皮下無咩脂肪，300g份量對眼

野菜豆腐盤就裝得滿滿，幾類菇菌及大蔥，一貫日式野菜材料，底下原來仲有寬粉條，正呀!

奶白色湯底，開始時味道較淡，隨住鷄肉嘅味道散發出黎，味道變得鮮甜; 鷄肉半身口感較紮實，能食到鷄味，即使無任何醬汁點食都好味!

小食就係呢客慢煮A4和牛筋 ($68)，睇開日劇居酒屋場面應該對呢碟野唔會陌生

濃味醬汁將牛筋腩煮得相當腍，仲有大根，牛筋部份唔算多，牛腩部位索滿醬汁，用黎送飯好味道

友人提議呢客香辣吞拿魚丼 ($128)

特盛份量，已調了味嘅吞拿魚切粒，香軟棉滑，無筋喎; 加入青瓜粒多一份清新及爽脆，與飯一齊食都無咁膩!

為慶祝新店開張，有八折優惠，怪唔之得入座率唔低!  今餐相當抵食!
 

contact me : [email protected]