本來想上黎係用湯底打邊爐，但坐隔離枱食緊招牌黃金芝士鷄煲 (小/$178)，忍唔得住即刻轉軚.......哈...哈....

配料仲有洋蔥，中芹同芫茜，增加香味之餘，洋蔥入口香甜多汁，用黎中和一下芝士醬汁嘅膩感!

最期待嘅畫面出現啦........................夾起件鷄就有拉絲效果，芝士量已經係選擇普通份量，再多D就真係唔得掂啦.......

鷄肉完全被芝士醬汁包圍住，肉滑得黎食到芝士嘅咸香味，小煲完全足夠2-3人享用

雖然已經食左個芝士鷄煲，但黎呢度點都唔能夠唔叫客手切新鮮牛頸脊 (小/$228)，睇下肉色幾咁靚仔，排列整齊

加入鷄湯變成芝士鷄湯，輕輕一烚，轉色就食得，切成蝴蝶片，烚後都唔會變得好細塊影響口感，肉味相當出，肉質鬆軟，幾乎食完一塊接一塊!

依加打邊爐必備食品乃為鴨血 ($43)，咁受歡迎自然多咗地方都有得叫黎食，呢度都唔例外

一客份量都唔少，烚完用蒜蓉芫茜蔥伴食，口感軟滑但又有少少嚼口，唔駛一定要同麻辣湯底先做到朋友嘅!

索湯恩物除左響鈴同蜂巢豆腐外，棉花肚 ($78)亦係一個好選擇

放入芝士鷄湯內烚，軟身棉花肚索滿湯汁，食時小心熱湯咇出，無需調味醬汁都好味道!

contact me : [email protected]