自從呢個港鐵站開左新商場後，帶旺左人流外，仲有多間食肆進駐，今晚試咗呢間泰國菜館

去食泰國菜，歡喜佢地嘅沙律，雖然無綠色沙律菜，但一般都以生果為主打，就好似呢客金柚子沙律 ($68)

撕成一小舊嘅金柚子，甜度都幾高，又多汁; 配合埋乾蔥蝦皮及花生粒，淋上甜辣味道醬汁，相當醒胃!

當你睇完餐牌後想食鷄又想食豬手嘅同時，呢客泰式海南鷄拼豬手飯 ($88)就幫到你，包埋餐湯及油飯，碗油飯仲係滿滿的，相當豐富!

主角海南鷄及豬手，兩隻都係無骨，可謂啖啖肉; 鷄肉相當嫩滑，點3款醬汁都夾，最愛都係黑醬汁; 而豬手有滿滿嘅膠質，滷水味道用黎送飯都好好味!

唔想咁刺激，叫個中和D嘅馬拉盞炒通菜 ($68)，通菜夏天當造，入口無渣，味道剛好，就咁空口食都唔會一味死咸，加入埋蒜頭粒一齊炒就多一份香味!

同場加映，天氣熱最"梳乾"係叫杯青檸梳打 ($28)，一飲GUR晒!

D海南鷄質素咁高，我都唔執輸，叫呢碗冬蔭海南雞船河 ($75)，一碗滿足到我想飲冬蔭公同食鷄嘅"願望"......哈哈!

先試啖湯，冬蔭公味道比我想像中"溫和"，辣度輕微，偶然飲到有辣椒碎就會辣D

鷄肉就算浸係辣湯內都無損佢嘅滑度，無入何醬汁點都好味

河粉量都幾多，入口滑滑唔算油膩，加少少湯更易入口!

總括黎講呢度食物質素唔錯，價錢仲幾大眾化，上菜速度夠快，卡位坐得幾舒服，下次可以食埋甜品!

#泰菜 #亞泰 #吃貨

contact me : [email protected]