約咗女子組收工食飯，點知其中一員話要遲D先到，叫我哋搵個地方飲杯嘢坐陣先，上網搜索附近有間新開嘅PUB，咁就上去坐陣啦

地方唔算好大，多部電視播住MV，有部電子飛鏢機，枱面放置骰盅，想玩咩自己黎

酒保會問你想飲D咩?  無咩主意?!  佢會根據你歡喜嘅口味而調教一杯比你

友人唔酒，就要mocktail，呢杯有把紙傘做裝飾，童年回憶返咗黎，味道偏似雜果賓治，甜甜地易入口

而我就係呢杯cocktail，底下有幾粒熊仔糖，增加咗少少得意度! 因為仲係夏天關係，想飲D偏果味嘅，呢杯就酒味中帶點甜果味，幾適合女士飲用!

淨飲又有點單調，呢度提供幾款小食，我地就簡單咁點咗鷄翼同餃子，餃子超級夠熱度，鷄翼就無論點整都唔會出咩大事，用黎送下嘢飲都唔錯!

飲完食完就收到CALL開得飯，咁就走先啦係咁先啦.................下次再玩啦!

contact me : [email protected]