呢幢工廈每當到晚飯時間，係門口等搭升降機上樓搵食嘅人龍就會出現

呢間日式餐廳身處五樓，唯有等搭升降機!  有卡位坐，手機自助落餐

身為牛油果控嘅我，見到餐牌上有"牛油果"呢三個字，基本上都好難控制唔叫................................牛油果蟹籽沙律 ($52)

基本上係以蟹籽沙律為主底，頂部加幾片牛油果 (再多D就梗係仲好啦)，蟹籽同青瓜絲嘅爽脆口感，食完口腔清新，迎接下一到食物!

呢客南蠻炸鷄籃 ($62)上一次食過令人念念不忘，自助落單時仲可以選擇"多汁"，正呀!

真係鷄球而唔係鷄粒，肉質嫩滑又夠熱度，個醬係以鷄蛋沙律為主，偶然食到蛋白粒，配合炸鷄嘅主題，雖然附上醬汁，但就咁食都超好味!

原條花魚開邊製成一夜干，收$85個人覺得相當抵食，條魚都唔細條架

邊位帶有小骨，魚肉仍然細嫩，燒到中間骨位及邊位帶點焦香

帶少少油度，一於趁熱食，點埋個醋汁加上蘿蔔蓉，中和一下膩感!

主食有幾款，飯類除咗鰻魚飯外，呢客滑蛋黑毛豬扒飯 ($82)係今晚心水之選

將豬扒吉列化後放上滑蛋上，醬汁帶點甜味，送飯幾令人起胃口; 豬扒肉質唔韌，一啖豬扒一啖飯.........小確幸就在於此!

上次食咗鷄肉，今晚轉下口味要牛肉稻庭烏冬 ($82)，一碗份量都幾慷慨

牛肉薄片無咩脂肪位，但入口一D都唔會係"柴皮"， 加上清湯底配以滑口稻庭烏冬，食材簡單但令人滿足!

呢度仲有甜品及特飲提供，留待下次先

contact me : [email protected]

#food #foodie #foodpic #tasty #hkig #foodpics #yummy #ublog #觀塘工廈 #搵食 #japan #cafe