友人之前同家人係呢度飲過茶，話食物OK同坐得幾舒服，見我過去搵佢食飯就話不如呢間

門口有優惠孖寶，價錢每份唔過$300

開好茶後，部長送上呢份開心自選套餐 (星期一至五 / $398)介紹

多款湯羹/小菜任選，總共有三餸一湯，只欠白飯任"裝" (哈哈...)

多個湯羹中，對呢鍋海皇豆腐羹情有獨鍾，可能太耐無食過啦

熱度相當夠，材料除咗有豆腐，仲有蝦粒碎，菜粒及紅蘿蔔絲，味道適中唔咸喎，問侍應拎埋胡椒粉，加添一份香辣味，飲完一碗即時再添，湯羹真係要趁熱飲呢!

主菜出場............雙蔥燜龍躉頭腩，大量爆炒過嘅洋蔥及蔥做配菜，龍躉頭腩混入其中

經過油泡處理嘅龍躉頭腩份量都唔少，要肉嘅可以食腩位，要骨嘅就夾頭位，各式其色，味道調教得唔錯，鍾意嘅可以叫埋支啤酒一齊paring，應該都幾唔錯!

酸甜類食物從來都令人胃口大開，就好似呢碟鮮果脆皮咕嚕肉

想食脆度可以夾細舊，要啖啖肉嘅當然有大夾大啦，甜酸比例適中，食完唔會有"涸喉"感覺; 另外菠蘿及甜椒亦唔可以錯過，用黎送飯OK呀!

有兩份肉點可以少個菜類，清清地又濕濕地叫個海味雜菜煲，份量舖滿整個砂煲面

海味主要係魷魚及蝦米，加埋菇菌粉絲及菜芯白菜仔，唔油唔濃味，食得相當健康!

依加好少酒樓會送糖水，侍應送上紅豆沙時，不期然帶點驚喜，熱辣辣煲到起沙，普通甜度啦，免費有碗糖水食，水準仲唔差喎，甜在心呀。

呢個開心套餐無講適合幾多人食，但睇呢個份量，三個人食絶對足夠，平均除開每人百零蚊，有湯有肉有魚有菜仲有甜品，去邊到搵呀?!

contact me : [email protected]

#food #foodie #foodpic #tasty #hkig #foodpics #yummy #港式 #開心自選套餐 #觀塘 #晚飯小菜