呢條街幾時變咗做食街?! 開餐時間條街佈滿食客，想食日本嘢就諗起呢間居酒屋，門口放住清酒半價嘅宣傳架，相當易搵
上到去被一列酒櫃吸引，提供唔同種類日本酒類，歡喜呢類酒嘅人士有福了........................
牆上貼住各式酒類招紙，變成另類裝飾
今晚叫咗呢杯出場率偏高嘅檸檬HIGHBALL ($58)，杯中放置了廿片冰凍檸檬片，夠霸氣啦卦?! 威士忌加梳打水嘅結合，變得容易入口，淡淡酒香味，冰凍爽呀!!
友人今晚"唔酒"，呢杯甜美可口嘅荔枝乳酸梳打 ($33)就岩佢啦，飲杯..................
無理由"剩飲"咁單調，叫呢款佐酒小食，池魚唐揚 ($38)
即叫即炸，入口熱辣辣，BB池魚仔成條食，點埋沙律醬就更惹味， YEAH................
近期愛上咗食燒花魚，呢度有北海道花魚一夜干 ($88)
醃好略風乾後再燒，魚肉份量都唔少，收呢個價錢相當超值
魚肉入口仍帶肉汁，咸香肥美可口，唧D檸檬汁加上蘿蔔蓉，趁熱食食唔停口呀!
天氣忽然轉涼了，又係火鍋擔當，多款鍋類中仍然鍾情壽喜燒鍋，三款肉質比你選擇，呢度嘅M7澳洲和牛 (200g)都只係$228，仲有野菜豆腐盤送埋
M7澳洲和牛大約有6塊，油脂分布均衡，肉色吸引
湯滾起就可以起動，一塊其實都幾大塊，唔係薄片黎架
唔鍾意太熟，所以轉色就食; 未放入口已經聞到肉香味，口感係鬆化肉香，兩啖先KO一塊，口裏滿滿牛肉餘味，正呀!! 若然有埋隻鷄蛋一齊點食會仲有風味D!
個野菜豆腐盤入面有生菜，娃娃菜，菇類，豆腐等，壽喜燒嘅甜味住出黎嘅蔬菜仲好味道，配白飯/烏冬，滋味又飽肚
火鍋追加薩魔赤鷄 ($98/150g)，去骨淨肉，乾淨俐落
想講日本鷄肉入口彈牙，仲幾有鷄味，皮下脂肪含量少，食得相對地健康。
今餐有魚有菜又有肉，食得人相當滿足，下次要叫多幾個FD一齊開餐，可以叫多D其他食物!
#food #foodie #foodpic #tasty #hkig #foodpics #yummy #ublog #dinner #foodblogger #hotpot #TST #居酒屋 #壽喜燒 #M7
contact me : [email protected]
|
