哈日友人又帶我去咗轉"倪日本之旅"，想輕鬆吹水開餐莫過於去居酒屋啦

又入門口開始到上到樓上用餐區，佈置都好日系，每當有客人入座都會有打鼓聲歡迎，有一刻都真係覺得自己去咗當地居酒屋

黎到居酒屋，酒類飲品梗有多選擇，清酒仲有買一送一優惠。今晚"唔酒"，皆因被呢兩杯特飲吸引住...................就係蜜桃烏龍熊茶 ($58)同北海道士多啤梨牛乳乳酸 ($48)，外型趣緻可愛，兩杯味道都充滿果香甜味，絶對搶到女生芳心! 

蜜桃烏龍熊茶，用"熊"茶代替"紅"茶，因為真係有隻"熊"係入面架...................SO BEAR~~~

食日本嘢指定動作: 先食個刺身，三點刺身盛 ($168)，包括三文魚，油甘魚，劍魚腩，魚.....係呀.....全部都係魚，食多D魚好呀嘛!

三款刺身全部都係厚切，食起黎相當有滿足感，餘味甚長....

加州卷就好多地方都有得食，但拱橋型嘅加州卷 ($128)都係第一次見

外型獨特，材料都係一貫加州卷，已切好一件件再砌成型，份量都幾飽肚!

食完剛好到串燒類代表出場 : 免治鷄肉棒($58)及汁燒白鱔 ($68)

免治鷄肉棒要點埋雞蛋一齊食增加香滑度，食到軟骨嘅爽脆，唔係一味得舊肉，口感多樣化!

汁燒白鱔燒至魚皮香脆，肉質仍然嫩滑，但要小心肉帶有細骨，趁熱食啦喂!!

呢客充滿"仙氣"叫做日本產A4和牛魔方 ($388/120g) (但個木牌係寫住A5和牛.....哈哈)

將和牛切成粒狀再略煎香外圍，入口油份係口腔內爆開，鬆軟無比，可以夾片炸蒜一齊食，又或者點少少芥末/芥辣食亦得!

仲有其他食物都想叫但今次人丁唔多，留待下次啦!

#food #foodie #foodpic #tasty #hkig #foodpics #yummy #dinner #foodblogger #TST #japan #居酒屋

contact me : [email protected]