某日係附近超市買完嘢後，途經呢個屋苑商場，發現呢間打冷小菜飯店，個名有D熟，上網CHECK原來新蒲崗都有一間，係將軍澳開多咗一間。
打冷都係我喜歡�H食物款式，一於試下晚市外賣
店內貼住暢銷龍虎榜，有相望容易D點菜......哈..哈.....
師傅無停手，等候時間唔算耐，拎得...............
網評呢間�H鹵水出品有水準，當然要入鄉隨俗試下啦。呢盒鹵水鵝件 ($118)，份量相當對眼，只係有少少大荳芽墊底，其餘全部係鵝件。
鵝皮下無多餘肥膏，食得健康! 鵝件多屬胸位，多肉食之餘又唔會嚡口，而鹵水汁已經滲滿鵝件，唔會過咸，有陣餘香味留係口內。
無食過韭菜豬紅 ($70)就好似唔係打冷，大大盒，豬紅同韭菜比例大概七三，恰如其位。
有汁浸住所以食時仲係溫熱，豬紅口感煙韌，點埋佢個辣椒油加D辣度，挑起食慾。
呢度除咗有潮州嘢食，仲有粵菜小炒，既然叫外賣，當然點D自己唔識煮/唔會煮�H餸啦……呢客蒜香骨 ($95)就係其中之一啦。 見到佢個盒蓋係界開咗，為咗唔會比D倒汗水整濕個骨(好細心喎....)
炸脆咗�H香蒜舖咗係骨上，未食已經聞到香蒜味
自己煮個飯，用黎送飯好岩數; 入口仲夠熱，肉�H比例唔少，唔油膩同帶有香蒜味，好耐都無食過呢類香口惹味餸，零舍好味道。
3月外賣自取有九折優惠，在家都食到好味潮州嘢，為平淡�H在家晚餐加添D新鮮感。
|
