| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2013 年 4 月 29 日 星期一  |
| 小"補"寶, 無煩惱!! |
分類: 美容 |
上天有時真係幾唔公平, 就講皺紋呢樣野, 出現於男士面上, 我地會話.........哇...增添幾分男人味
但出現於女士面上...............哇.......就大件事啦, 一條皺紋老3年呀.............務求要以最快時間"消滅"佢
要以最快時間令佢消失, 相信都係以"填補"方法最為有效, 當中既表表姐, 腦海中即時諗起佢............
GoodSkin Labs TRI-AKTILINE PLUS緊緻淡紋抗皺霜 提升版
$400/20ml
其皇牌產品TRI-AKTILINE™緊緻淡紋抗皺霜 於2007年推出後，使肌膚在頃刻間皺紋消失。 其神奇「即時見效」的效果，令TRI-AKTILINE™緊緻淡紋抗皺霜銷售額長期高踞各地的美容專賣店同類銷量榜首，深受一眾備受各種紋理困擾又追求完美的女士們歡迎。
今次呢支係"提升"版, 外型同上一代好相似, 但加多左個"PLUS"字樣落去
成份 ： 專利緊緻精華配方Promolift™、球形粉末、網狀聚合體、巴西棕櫚果油、維他命 C、茶葉萃取、六胜肽蛋白
功效 : 添加專利緊緻精華配方Promolift TM 全方位解決肌膚衰老問題，有效即時填補及減淡皺紋和細紋，令肌膚回復平滑和緊緻；持續使用，肌膚更形水潤緊緻，並提升輪廓。其質地亦輕盈柔滑，經改良的配方能瞬間溶入肌膚，更方便易用。
使用方法 : 每次取出少量，早晚於乾淨的臉，直接輕輕按壓於前額、雙眉之間、眼尾及咀唇四周的皺紋上，直至紋理被填滿。 等待3分鐘或完全乾透，後續精華素、潤膚霜及化妝品，亦可作補妝使用。
白色乳霜質地, 以手指點壓方式於所需位置, 頗快被皮膚吸收!
有相有證據, 睇下效果 :
紋理明顯被"填補"了, 彷似著左"隱形戰衣"咁, 用後位置唔會感到痴立, 就算之後上妝都唔會有影響, 真係急救既好法寶!
GoodSkin Labs產品於莎莎獨家發售
contact me : [email protected]
|
2013 年 4 月 25 日 星期四  |
| 一次便知龍與鳯@G2 BEAUTY 醫學透明質酸美白補濕療程 |
分類: 療程篇 |
睇過其他Blogger既分享, 坦白講, 今次係懷著緊張既心情去體驗G2 BEAUTY 醫學透明質酸美白補濕療程
好驚比人拒做/Hardsell...........但既然約好左, 就一於上去啦!
地點原本係尖沙咀分店(由於裝修, 約五月重開), 所以轉左黎旺角呢間分店
(地點位置都相當方便, 旺角港鐵站A1出口, 一上地面即見到)
番發大廈十一樓(全層)
一開升降機門, 就見到.........
環境一般, 裝飾與其他美容中心大同少異, 所以都無咩特別影相位, 係接待處作簡單確認後, 就被呢個燈箱吸引住............
呢個就係我今次要接受既"醫學透明質酸美白補濕療程",似乎應該係呢期主打項目
接待員帶領我去接見室到填完份登記表格後, 就再帶我入治療室準備今次既療程啦!
治療室面積唔大, 連擺放私人物件既locker亦欠缺, 手袋只係放係床底下
療程時間﹕90分鐘
程序做法﹕
Step1: 先為客人面部進行皮膚水份測試，待療程後可比對療程前後效果
（健康的皮膚水份指數為40－50度）。
Step2: 清潔面部、卸妝(但返到家中後才發現眼線液仍殘留中.........oh!)。
Step3: 使用授權之表皮注射儀軟化皮膚，過程中無任何痛楚，只有微暖感覺。
（歩驟重點: 先搽骨膠原啫喱於面上, 再用儀器將正負離子分離, 為注入透明質酸作準備，令注射效果更顯注。）
呢部就係表皮注射儀
"槍身"外置一支「納米透明質酸」
(呢支「納米透明質酸」調配其間, 治療師竟然出動"牙籤"黎"搞均"佢...........
)
Step4: 使用授權之表皮注射儀注入2ml「納米透明質酸」，過程無痛、無紅、無腫，注射完成後能即時感受透明質酸滲入半邊面部。
（歩驟重點: 即時可見收細毛孔、撫平幼紋、飽滿面頰效果。）
每打一下, 只係聽到"達"一聲, 真係唔痛, 治療師仲會係”虎紋”位／腮邊位加打多幾下！
影完呢幾幅相後, 我仲趁機小睡幾分鐘!
Step5: 使用授權之表皮注射儀回復皮膚，固定已注入的透明質酸。
（歩驟重點: 塑造面部輪廓）
治療師於面上再搽一層透明質酸, 利用儀器頭塑造面部輪廓
Step6: 再次為客人進行皮膚水份測試，如在首次測試中水份低於40度的客人，完成療程後保證皮膚能至少高出10度。
睇下我既水份度數先．．．．．．．．
足足升左22%呀 (勁呀) (若然今年加人工可以有呢個%就仲哇.........哈哈)
(註: 呢個度數係一搽晒所有護膚品後即時量度既, 唔大大提升就怪啦!)
又睇下皮膚狀況先..........
膚色變白, 毛孔明顯收細呢d通常係做完美白補濕treatment既"即時例牌菜"(若然咁都無就真係把鬼 ), 反而令人驚喜係提升緊緻左輪廓線條, 皮膚望落變得firm左!
之後待透明質酸再進一步滲入皮膚後就可以洗面, 搽返護膚後就完成啦! (但回家途中, 面部開始feel到少少乾)
期間治療師就"溫馨提示"完成療程3個鐘內, 唔好帶眼鏡/伏睡/大力捽面, 因為透明質酸尚未完全定形! (聽完心裏暗暗出現"??????")
後記 : 好彩無被拒做/關埋房門Hardsell! 感恩中............
順利完成離開既一刻心情係.............舒了一口氣, 但呢個所謂"醫學美白補濕療程", 連補濕功效都維持唔到一晚, 真係點搞呀?!
做美容生意, 口碑真係好緊要, 搞得Blogger試做, 究竟想做推廣宣傳, 定係倒自己米趕客? 真係一線之差.........................
睇完以上仍有興趣既, 可以去以下網站了解 :
網站 : http://g2beauty.com/
Facebook : http://www.facebook.com/G2BeautyGroup
contact me : [email protected]
|
| 2013 年 4 月 23 日 星期二 |
| 多勞多得, 10 + 1 |
分類: 禮品篇 |
化身"鍵盤戰士", 得到以下11份禮物................
1) 勝出BEECRAZY x Oliver’s Super Sandwiches「送Oliver's Super Sandwiches $5000現金禮券」Facebook遊戲，並獲得Oliver 's Super Sandwiches多用途卡片套連匙扣一個！
2. ♥「擁抱幸福香氣」分享活動♥
以下係第五個星期分享活動�H得獎者！
3) Matrix 1月送禮活動
Repair Shampoo (300ml) & Conditioner (300ml)
4) QOOZA 專頁內所舉辦的有奬問答遊戲遊戲中嬴得ChocoYOU手造朱古力情人節限定禮盒 乙份。
|
2013 年 4 月 17 日 星期三  |
| 給面珠一個水的擁"泡" |
分類: 美容 |
潮濕天氣驅之不散, 每日返到屋企, 總覺得痴立立, 真係好想第一時間落妝洗面呀! 
潔面產品, 泡沬一直都係我歡喜使用既類型, 貪佢使用時舒服, 清潔度足夠又唔會令到皮膚繃緊, 若然唔需要自己起泡, 一唧就有你話係咪仲好呢?! 我就有呢支...................
Bioré水嫩彈滑洗面泡沫
容量 : 160ml
輕鬆洗出潔淨、水嫩、彈滑肌!
-膠原蛋白成份: 提升肌膚彈性, 保持肌膚嫩滑飽滿
-日本淨肌鎖水技術: 溫和潔淨同時保濕
-深層潔淨: 100微米泡泡深入毛孔徹底去除污垢
輕輕一揼就可以揼出綿密細滑泡泡, 無需自己花時間起泡, 超岩我...............hee...hee....
使用方法 : 洗濕面, 便可直接將泡沬塗於面上按摩, 由於泡沬夠晒棉密, 減低手指於皮膚之間既摩擦力, 避免皮膚被過度拉扯
呢款潔面泡沬, 過水十分容易, 一沖即走, 使用期間聞到清新香味, 令我感覺舒緩
用後皮膚唔會感到繃緊, 無需即刻要搽保濕水, 面部感到清新舒適, 痴立立既感覺一掃而空!!
Bioré既產品價錢又相宜, 想轉用潔面泡沬既朋友仔可以有多個選擇啦~~
website : http://www.kao.com/hk/biore/index.html
contact me : [email protected]
|
| 2013 年 4 月 15 日 星期一 |
| 喚醒"肌本力", 由Domohorn Wrinkle為你提供!! |
分類: Event篇 |
呢一套「Domohorn Wrinkle 3日份量試用套裝」
早於品牌登陸香港做宣傳時, 已經申請免費體驗!
原因? 產品原料萃取自天然成份, 喚醒"肌本力", 解決皮膚根本問題, 皮膚狀態好, 無論上妝或素顏都得心應手啦!! 好相信飲食我地要講求天然, 用既護膚品都要一樣, 咁至由內靚到外嘛!!
呢套3日份量試用套裝, 全面性咁由卸妝至防曬都可試用到, 真正對於Domohorn Wrinkle(DW)作初次接觸, 皮膚狀態有少許改善, 摸落彈性好左, 補濕力量加大左令到出面油情況都減少左! 印象唔錯!
今次同DW再續情緣, 有機會上到去位於銅鑼灣世貿中心既DW Skincare Lounge進行護膚指導及體驗全套8支的活膚力量
一入門口, 已經被眼前呢幅綠油油既相片所吸引住, 呢度就係Domohorn Wrinkle 產品既生產地 : 位於日本九州熊本縣既再春館製藥所
呢間Skin Lounge既佈置優雅舒適, 好"日本"feel, 令我地以為已經身處日本! 哈......
有關相片展示出製藥所既科研人員努力不斷咁研製出高效喚醒"肌本力"既護膚品
成功研製全系列8支產品
一貫日本以禮待客既精神, 享受熱茶及精美甜點後, 我地就係咁舒適既環境下慢慢開始我地呢次護膚指導及全面試用全系列8支產品
品牌Marketing同事先為我地介紹一下Domohorn Wrinkle (DW)既背景資料 :
DW由位於日本九州熊本縣既日本再春館製藥所於1974年研製出來。本著以大自然力量提升肌膚「自我修復能力」的理念，成為日本首個添加膠原蛋白作護膚成分的品牌。
DW認為搽於面上的護膚品與進食人體的食物同樣重要並講求安全，所以不會採用經基因改造或有殘餘農藥的原材料。研究專員必定親自到世界各地監督原材料種植及收集過程，務求每一種原材料都是最優質的。
漢方理念加上嶄新科研再配合約150種天然成分，創製出喚醒「肌本力」的護膚品
雖然DW既生產工場具備完善機器生產, 但更著重人手親自監控各個過程
令我印象深刻既係工作人員更會每日花上約4小時，把所有機器零件逐一拆卸及清洗消毒再組裝，務求為客人提供最安全、最令人放心的產品。
為了親身照顧不同顧客的需要, 從研發、生產、品質監管至送遞服務, 都以「一體化」管理模式營運
全公司各部門職員都集中在同一地方工作, 當穿著橙色制服既客務專員(Pleaser)收到客人落柯打, 電話查詢/反映意見後, 都會立即向有關部門職員轉述, 從而提供最適合顧客的服務
了解品牌既背景資料及理念後, 加深左對DW既認識, 真係好佩服日本人做事既認真同細心態度!!
開始產品體驗時間啦, 由客務專員(Pleaser), Toto Tong為我地介紹
先從以下3支(準備3點)開始................
1) Oil-in-Gel Remover
卸妝啫喱 - 乾手乾面用, 於面上捽開至所有化妝品被卸走, 就可以加水至乳化後再過水清洗
輕鬆就可以卸走妝容!!
2) Silky Cream Foam
潔面泡沫 - 將它加水起泡, 就可以使用, 清潔污垢同時可以去老化角質, 緊緻毛孔
泡沬柔滑, 用後唔會感覺繃緊
3) Relieving Foam Mask
泡沬面膜 - 能清除肌膚看不見的污垢和受損問題, 皮膚被豐厚泡沬包裹住 (每次用ping pong ball咁大份量, 每3日用1次), 感到少少溫熱感覺, 加速面部血液循環, 用後皮膚回復柔軟, 為其後的護膚品作準備!
4) Intense Hydrator (基本4點開始) (Pleaser教導以按壓手法塗搽)
蘊含不同大小的透明質酸, 讓水分更易滲透至肌膚底層, 全面加強保濕力, 用後皮膚滋潤柔軟
5) Vital White Essence
美白精華液 - 強化基底膜, 加速新陳代謝, 內含長白蔘精華, 抑制黑色素形成/儲存
6) Cream 20
增新肌膚膠原蛋白, 重搭柔軟回彈, 有效加強運送水分及營養於皮膚底層, Pleaser仲教導我地按壓手勢以減低皺紋形成
7) Milky Veil Lotion
保濕乳液 - 鎖緊營養, 讓肌膚充份潤澤, 用後有如有層薄膜係面上, 感覺滋潤
8) UV Dress Cream
阻隔紫外線及修復受損肌膚, 改善膚色, 用後令皮膚回復光澤, 之後上妝都貼服, 唔會有任何影響
我地係體驗期間, 不斷向Pleaser發問問題, Toto都好清晰及詳細向我地解答, 而且仲向我地透露左以下幾樣盡顯日本人產品設計細心既實證 :
1) 設有號碼提示客人使用步驟
2) 美白精華液得到"醫藥部外品"字樣, 表示得到厚生省認可
3) 包裝有凹位, 防止滑手/放平時會溜走
4) 牙膏式包裝內裏設有阻氣隔, 以防空氣內進, 所以使用產品時, 頂部位置會隨住容量減少時扁平, 唔會造成浪費
今次既體驗, 果然獲益不少, 產品源自天然材料, 製作過程又得到嚴謹監控, 銷售服務又貼身稱心, 真係好放心將我既皮膚問題交比DW處理!!
Domohorn Wrinkle特別優惠新用家，只需支付郵費$50，即可免費體驗全套「Domohorn Wrinkle 3日份量試用套裝」，包括：準備3點、基本4點及日間護理，讓您一次體驗全套8支的活膚力量。
透過此網址申請試用套裝: https://www.dwrinkle.com.hk/tc/sample/input?cid=DXF130413HKIO2615
親臨DW Skincare Lounge進行免費護膚指導及全面試用全系列8支產品。
DW Skincare Lounge預約電話: 3162-8677 (地址: 銅鑼灣世貿中心35樓3506室)
快d行動啦..............!!
品牌網站http://www.dwrinkle.com.hk
或透過顧客服務熱線：39-111-111查詢或訂購。
|
« | 107 | 108 | 109 | 110 | 111 | 112 | 113 | 114 | 115 | 116 | ... | 147 | »
|
