之前聽電台飲食節目知道前歌手Oscar, 除左開左間生煎包店外, 仲同人夾手開左間西餐廳, 出開去深水埗買電腦野, 一於試下新野

地點都好易搵, 某間出名食"豬潤面"店隔離

正值下午茶時間, 一於由Tea Set開始, 餐單有8款選擇, 價錢由三十幾至四十幾, 仲包飲品一杯, 都算係幾親民

 我地選擇左(A) 同 (H)

(A) 疍沙律牛角飽配薯條, 飲品要咖啡

賣相幾精美, 疍沙律味道OK, 最好味係個炸薯條, 熱辣辣及有些微辣調味粉, 好快就比我KO晒!

反而最令人失望係個牛角飽, 食唔到牛油味, 仲要稔晒身, 個人黎講就唔喜歡呢個質感啦

(H) 是日精選疍糕

侍應表示可從凍櫃任選一款(疍糕係自家製, 每款只有十件), 朋友就選左"拿破崙"餅

賣相亦相當吸引, 餐飲可配凍果茶(荔枝紅茶)

用刀叉切開已經感到唔係幾對路, 好難切得開, 一食個皮又係稔晒, 天呀..................明白因有吉士餡所以要放入凍櫃, 但亦因此"殺死"左"拿破崙"餅應有既香脆! 而杯荔枝紅茶雖然見到荔枝果肉, 但飲唔到有荔枝味道

雖然今次對呢2款Tea Set感到失望, 但店內環境及侍應服務係加返D分既, 希望佢地會愈做愈好, 為深水埗區食店加點外來新沖激

contact me :  [email protected]

係POP CORN商場睇完戲, 又到食晚飯時間, 見商場內既食店選擇唔算太多, 兩個人心血來潮想食D 濃味食物, 就去左呢間試下

由於假期關係, 大約七點前已見全店差唔多爆滿, 待應溫馨提示用餐時間為入座起90分鐘, 對於2個人黎講, 時間應該足夠

先叫幾款前菜開下胃

陳醋西芹木耳 - 陳醋味道好醒胃, 木耳爽口, 但發現木耳份量多過西芹, 仿似做左裝飾品咁

醉豬手 - 純粹好耐無食過, 見到餐牌有得叫 ! 個人覺得豬手斬得過碎, 豬手口感爽脆, 充滿濃香酒味, 幾好

食完凍盤, 黎返個熱辣辣既酸辣湯 - 夠晒酸辣, 一客份量可二人分享

小炒幾款 :

干炒四季豆－配合肉醉，夠晒惹味，送白飯之選

炒鱔糊－鱔既份量唔少，醬汁味道調配得唔錯

最後加多個雜菇海鮮炒拉面－海鮮包括魚塊同蝦仁，拉面唔會食到過稔，加埋豆辦醬一齊食，好味道

好彩每碟份量唔算好大，二人可以叫多幾款，侍應加茶次數及反應都算快，可以再幫襯！

contact me :  [email protected]

對於燒肉, 總會諗起適合一大班朋友, 得2個人食, 都係去食西餐算罷! 知道盛八日式燒肉推出呢款會席二人盛, 咁岩又係尖沙咀, 一於就去試下啦

呢款"會席二人盛"餐牌顯示就覺得非常豐富, 由前菜到甜品都包埋, 只需五百幾元, 兩個人食燒肉黎計, OK啦!

落左ORDER後, 侍應好快就送上呢盆"盛合燒肉及海鮮", 包括牛油帆立貝, 大蝦, 韓式辣魷魚, 和牛里肌肉, 芝士鷄腎, 鷄腿肉及牛油大磨菇, 賣相相當吸引

 趁個爐熱住時, 先食左個巴馬臣火腿蟹子沙律開下胃先

兩款前菜 : 金目鯛雙色蟹子蝦沙律花之戀 及 山葵龍蝦米紙卷, 一啖一舊, 味道幾清新

燒海鮮同肉仔mode已經預備好, 先黎海鮮類:

香草牛油帆立貝及大蝦, 味道鮮美, 蝦肉加蝦膏混埋一齊食, 正呀

韓式辣魷魚 - 食唔到辣味, 咬落有爆汁感覺

之後到肉類出場, 和牛里肌肉輕輕一燒就食得, 快靚正, 特別喜歡個韓式芝士鷄腎, 無諗過咁既配搭又幾好味喎

成個錫紙盆放落去爐燒就輕鬆完成呢款香草牛油磨菇 - 一咬D菇汁係口都爆出黎, 好味!

點都要有返D澱粉質先再飽肚D既, 食埋呢個咖哩牛舌炒飯先, 炒飯充滿咖哩香味, 配埋牛舌啦, 真係愈食愈想食

食埋呢款自家製士多啤梨奶凍就為呢一餐上一個完美句號, 好想食多一杯呀.........

食完身上都無燒肉味, 抵讚!!!   二人晚餐, 從此多一個選擇!!

contact me :  [email protected]

係資訊爆炸既年代, 想快人一步知悉潮流走勢, 扮靚資訊, 上潮流時尚網站遊走是常識吧 

係我手機內既Safari頁面當中, www.style-tips.com 長期佔據, 而我亦有自己BLOG Sharing在內，當知道佢地Commjnity (Blog)現以全新面貌再次開放後, 網站內容更加豐富, 如有明星專訪、潮人街拍、美容新知、潮流搭配、品味生活及購物資訊等, 點可以唔介紹比大家呀?!

美容新知 - 包括編輯試用, 最新美容產品/化妝品介紹, 由頭到腳, 香水美甲都包羅, 令你靚到盡

潮流搭配 - 各品牌最新上架貨品, 服飾鞋袋, 一一話比你知

潮人街拍 - 走訪街上, 捕捉各區潮人, um............我諗第時出街都要著得靚D先

行天橋 - 搜羅國際城中品牌最新時裝秀, 走在潮流前尖既你, 又點可以錯過?!

品味生活 - 同你講飲講食, 美酒旅行, 提升你個人生活品味

遊走完呢個內容咁豐富既網站, 想做個又靚又潮既人應該無咩難度啦

網址 : www.style-tips.com

Instagram : hkstyletips (我一早已經follow左啦)

contact me :  [email protected]

韓國已經去過幾次, 但都只限於首爾, 睇韓劇時知道主角喜歡去濟州島渡假, 風景確係優美, 好山好水, 比人一種心擴神怡感覺, 搞到我都好想去呀

濟州島旅行就要計劃下先, 但產品源料來自濟州島既innisfree礦物水光紓緩系列產品發佈會我就已經去左

配合產品包裝, 品牌特別安排呢杯咁搶眼既氣泡飲料作為Welcome Drink, 一邊飲, 一邊聽講解

innisfree自2000年創立以來，一直堅持以韓國濟州自然之美和綠色生活的概念為本，致力研發具天然成分和濟州自然優勢的護膚產品，務求為女士提供最天然的呵護。

品牌要員Shirley先向我地講解呢個系列所有產品, 以濟州島西南部山房山的稀有碳酸溫泉水，研發出專為面部肌膚而設的「氣泡溫泉」─ Jeju Sparkling Mineral Collection礦物水光舒緩系列，讓面部肌膚也可浸泡於純淨而極富營養的碳酸溫泉水，不但可瞬間為乾燥肌膚補充水份，減淡乾紋；同時，高含量的碳酸成份，有助促進血液循環，可即時讓倦怠及暗啞肌膚回復朝氣亮澤，尤如浸如溫泉一樣。

innisfree礦物水光紓緩系列包括以下產品

Jeju sparkling mineral Skin
礦物水光舒緩爽膚水

富含88%山房山碳酸溫泉水，高濃度配方讓肌膚易於吸收礦物營養及水份，迅速使肌膚變得柔滑，具即時減淡乾淡之效

重點推介呢支 Jeju sparkling mineral essence礦物水光舒緩精華

礦物水光舒緩精華富含73.6%山房山碳酸溫泉水，3種高濃度碳酸和13種溫泉礦物質相互協同發揮複合能量，配合專利的Micro Sparkling Technology™微細氣泡科技™，高效將水份及礦物質傳送到肌膚底層，為細胞補水及營養之餘，同時促進細胞新陳代謝，讓缺水、暗啞及倦怠的肌膚，瞬間回復水潤亮澤。

 $230/70g

產品質地清爽水凝，當精華唧出後的瞬間，就會見到無數的微小氣泡，延展性相當高以，打圈手法塗抹，精華瞬間滲透肌膚

Jeju sparkling mineral Lotion
礦物水光舒緩乳液

 乳霜質感輕盈讓肌膚易於吸收，而配方蘊含61.8%山房山碳酸溫泉水外，還加入夏威夷果仁油有助防上肌膚水分流失，讓肌膚時刻保持盈潤及處於水油平衡的最佳狀態。

Jeju sparkling mineral Cream
礦物水光舒緩面霜

配方蘊含69.9%山房山碳酸溫泉水以及Stabilized Ceramide (穩定性細胞間脂質) 有助強化肌膚表層天然補濕屏障，而面霜的綿滑盈潤質感則有助提昇肌膚的吸收能力，進一步鞏回補濕屏障，特別適合極乾性或缺水的油性肌膚。於晚間用時亦可以當作睡眠面膜

品牌培訓導師Terry亦介紹呢款"好玩"既碳酸溫泉水面膜

碎粉與水結合後碳酸氣泡湧現，猶如碳酸溫泉一樣，讓面部肌膚在水中浸泡，碳酸水的氣泡特性會為肌膚按摩，促進微循環之餘，由於碎粉含有濟州柑橘果皮萃取物因而能潔淨毛孔深層，讓肌膚即時呈現亮白。浸泡過後，猶如為肌膚敷了碳酸溫泉水面膜，肌膚也回復細緻光滑。

使用方法：先將一包礦物水光舒緩碎粉加入約1.5升至2升的水中，在其溶解後再加入第2包礦物水光舒緩碎粉。當出現碳酸氣泡後，閉上眼睛，將臉慢慢浸入水中後將頭抬起，並用雙手潔面。按摩2至3分鐘後，可以微溫水清洗即可。浸完後， 左手明顯變得更透亮光滑

我都返去試玩左, 開初有少少凍感, 微細氣泡包圍雙手, 之後就感到微暖, 好似有助加速血液循環, 浸後皮膚細滑效果確係見到

有左呢套礦物水光紓緩系列產品, 為皮膚補水差電之餘, 各款產品亦帶有自然舒緩香味, 仿似浸泡於濟州島溫泉水之中, 正呀!

網址：www.facebook.com/HKInnisfree

試用產品及產品說明由innisfree 提供, 內容純個人分享/感受

contact me :  [email protected]