今日公公同婆婆佢地上咗我屋企探我呀!係出院後第一次再見佢地呀~~
冇見咁耐,我係咪大個仔咗又靚仔咗呢~~我仲識得擺post影相添呀!!你地睇下我幾叻.......

仲有呀!!今日我沖涼果陣甩臍帶呀~不過又甩吾晒喎,甩淨啲,但係媽媽同嫲嫲都好緊張啦~
一沖完涼就諗住帶我去鏡湖睇醫生啦~好彩媽媽夠醒目,打咗電話上鏡湖問下應該點做,
原來可以帶返我返去婦產科BB房免費做檢查同洗臍帶㗎~
不過正如我頭先所講,我個臍帶口甩啲吾甩啲,姑娘話甩晒果陣要再返去喎,
搞到媽媽同嫲嫲白行一趟,仲搞到媽媽仲鬼咁累添呀~可能係體力未復原啩!!
真係冇用豬呀~行兩行就索晒氣……又吾係叫佢跑……
而且仲係嫲嫲抱我㗎添呀~~