各位親愛的親友們,你地知吾知今日係咩日子呀??哈哈~今日係我滿月之喜呀~~!
於是今朝嫲嫲又一早起身幫我攞黃枇葉同柚葉沖涼同拜神,就連爸爸媽媽都要一早起身呀!
係屋企拜完神,又要返媽媽屋企拜,係媽媽屋企拜完又要去太婆屋企拜,
今日拜神都拜到下午兩點幾呀~~爸爸同媽媽今日�H第一餐要到三點幾先食呀!!
原來拜神可以減肥㗎~~~
而夜晚爸爸同媽媽就幫我搞咗個小party,就係同啲親友食餐飯,等我可以同親友們見一見面,
而我今日係主角喎~就當然係全場最靚仔果個啦~~!!
今日我仲換咗兩套衫添呀~第二套衫仲係雞仔造型添……不過可能我真係大個仔啦~
套衫緊得制呀!!初初吾啱著嫲嫲仲收埋咗佢,點知今日一攞出嚟就緊啦~
頂帽都扣吾到呀!!於是媽媽同姑媽一幫我戴頂帽,我就喊~~我姑媽仲笑我話吾做雞就算喇~!!
仲扮我講嘢話:”我吾做雞呀~我吾做雞呀!!”好人好姐邊個想做雞呀??
最後佢地唯有就咁幫我粒住頂帽吾扣實佢啦~~我諗全家人見到我呢個造型都好開心~!!
因為佢地吾停咁笑……乜真係咁好笑咩~~?
而今晚我係酒樓度就好似明星咁,個個都爭住抱我,冇計啦~~人見人愛吖嘛!!
雖然今晚好多人搞住我,不過我就瞓足成晚,肚餓都吾扭計,返到屋企先扭~
都係果句,冇計啦~扮乖吖嘛~~
以下就係我今日著�H果兩套衫啦~~靚吾靚呢??
 
| 
