今日爸爸同媽媽吾見左呀~原來佢地過左香港買奶粉比我食呀~
話咁快,我啲奶粉就嚟比我食晒啦~爸爸媽媽驚我冇奶粉食呀!!
所以襯今日爸爸放假,佢地同埋阿炮哥哥過左香港幫我買檬檬~
好彩有阿炮哥哥咋,因為可以一次過買多啲吖嘛~
仲有呀~其實啲奶粉真係好重㗎~爸爸媽媽都好累啦~!!
我記得媽媽講過,要講吾該,今次真係吾該晒阿炮哥哥啦~~
而點解要過香港買??因為我食果隻奶粉係日本奶粉,澳門係冇得賣㗎~
媽媽話喎,食日本奶粉對我好啲喎~等我叻仔啲!!
其實我食咩都咁叻仔㗎啦~~睇我依加就知啦!!
而我係澳門做乜??姑媽同嫲嫲帶左我去行街街買衫衫呀!!
因為我大個仔喇,啲衫都開始吾啱著啦~~好嘢!!又有新衫著啦~