今日拉叔公走啦~媽媽同爸爸帶埋我去同拉叔公飲茶同送佢出關閘~!
拉叔公走果陣仲話帶埋我一齊返鄉下玩~~
一聽到玩,就梗係好啦~!!不過好可惜,我係冇回鄉證㗎~~
咁即係點呀??咁咪即係要返屋企囉~
而返左屋企之後,媽媽同阿細姨姨就出左街街~
佢地要去睇傢俬呀~媽媽原本都想帶埋我㗎~!
但係天氣太熱啦~佢吾想帶我出入啲冷氣地方一冷一熱,驚攝親喎~
不過真係人算不如天算,每次媽媽出完街街返嚟都會錫下我㗎~
而今次媽媽錫我果陣就覺得有啲吾妥啦~
有咩吾妥??一經探熱之後……原來我發燒呀~~!!
吾怪得我今日咁累啦~一直都想瞓覺覺豬!!
今朝係茶樓度,阿細姨姨仲見到我流鼻水㖭~!
當時媽媽仲話如果我再流就要帶我去睇醫生~
媽媽好擔心我呀~呢幾日又咁啱有好多手足口病個案~~
而我又咁鍾意啜手指喎~媽媽好驚呀!!
所以媽媽好求其咁食左幾啖飯之後就抱住我,同嫲嫲一支箭咁沖左去鏡湖啦~!
去到鏡湖,個護士姐姐用左支嘢吉左入我pet pet窿度呀~
噫~~好難為情呀~~吉人地果度�H!!原來佢係幫我探熱喎~
媽媽都吾係咁探�H!!媽媽嘟一聲就搞掂㗎啦~人地今日未臭臭㗎嘛~!
而探熱�H結果係……38度6呀!!!!
當時媽媽即時�H反應就係……吾係呀嘛~~~~~~!!
跟住個護士就递左張抽仔比媽媽,叫媽媽等叫號~
而媽媽下一個反應就係即刻望下張抽,睇完個號碼之後,
媽媽�H第三個反應就係……吾係呀嘛~咁高燒,仲要等!!
而係等緊�H途中,我真係忍吾住啦~
可能頭先比個護士吉左一嘢,我真係忍吾住啦~要臭臭啦~!!
於是媽媽就走去問下有冇地方可以比我換片片啦~
點知原來鏡湖急診係冇地方提供比BB換片片㗎喎!!
果個人仲叫媽媽就咁係度幫我換就得喇喎~!!
而嫲嫲又同意果條友講�H嘢喎~
就係咁,我就係有好多人�H鏡湖急診入面換左片片喇~
可能係臭臭左之後個人舒服左啩~好快我就瞓左啦~!!
我瞓緊果陣,嫲嫲就覺得我�H燒再冇之前咁高喇~
咁~媽媽就話,吾通係痾左臭臭�H關係??
當時媽媽終於開始放鬆返啲,冇咁擔心啦~
而係我地繼續等緊果陣,又有一個小朋友一樣係發燒嚟睇醫生呀!
當時媽媽聽到佢�H體溫係39度6呀~不過都一樣要等~!
於是媽媽就諗:”吾.怪.得.我.個.寶.貝.仔.都.要.等”啦!!!
等呀等呀~等呀等呀~好啦~!!終於到我啦~!!
結果醫生話我喉嚨發炎喎~!!原來尋日媽媽真係聽到我咳咳呀~
之後醫生開左啲藥比我,媽媽比左錢,攞埋藥,就咁就走得啦~!!
好𡀔~終於都返屋企𡀔~!!
返到屋企,食左啲藥之後,我就即刻瞓左啦~~因為啲藥會令人眼瞓㗎~!
而媽媽每隔一陣就幫我嘟一嘟耳仔,每次嘟一嘟,我�H體溫又低一啲~
直到我完全退燒啦~媽媽都放心返啲啦~!!
係媽媽心目中,我發燒係幾咁大�H一件事~
而原來係醫生眼中,小朋友發燒只不過係平常事~!!
媽媽~下次吾洗咁擔心啦~!!小朋友發下燒先會高㗎嘛,乜你冇聽過咩~?
而爺爺問,醫生有冇話點解會發炎?係吾係喊得多喎~
我依加吾知呀~等我第時做到醫生再話你知吖~!!
今朝係茶樓度戇下戇下......
| 
