今日個天終於都停左,冇喊得咁勁啦~
而阿細姨姨之前約左媽媽同公公佢地今晚食飯呀~
所以媽媽今日一瞓醒就帶埋我去左婆婆度啦~!!
公公婆婆佢地一如以往都係咁掛住我~一見到我就大叫寶貝啦~!!
不過臭豬B姨姨就冇得同我玩啦~因為佢病病呀!!仲發燒㖭~
而媽媽佢聽日要返早呀~爸爸又因為今朝賽波而掉左更接吾到我地喎!
所以我地一食左飯就返屋企啦~!!
初初返到屋企我都好乖㗎~~不過爸爸返到冇幾耐之後我就扭計啦~
我又好似上次咁喊得好厲害呀~爺爺嫲嫲又吾係屋企喎~
媽媽驚我又係肚仔痛,就叫爸爸幫我初生油,查肚波仔~
不過當時我已經喊到隔離屋個阿慈姨姨都吾安心要過嚟氹我啦!!
佢仲抱左我出門口玩㖭呀~但係真係好奇怪喎~
阿慈姨姨一抱左我出門口,我就開始收聲吾喊啦~!!
阿慈姨姨見我熱,抱返我入屋涼風扇,點知我一入屋就又喊返啦~
於是阿慈姨姨就抱左我過佢屋企,同佢囡囡玩啦~
過左佢屋企,我就冇喊到啦~仲玩得好開心㖭呀~!!
玩玩下,爺爺嫲嫲返嚟啦~可能係阿慈姨姨打電話叫佢地返嚟啩!!
佢地一返嚟就問我有冇事,知道我扭緊計~
而佢地返到嚟之後,我就冇喊啦~
不過當嫲嫲去沖涼果陣,我又扭過喇~!!
爺爺抱住我氹我都仲係喊呀~爸爸就叫爺爺抱我出門口,
結果我真係又一出門口又吾喊啦~~
於是爸爸就得出一個結論,佢話我地屋企有其他朋友仔喎~
因為上次我扭計扭得好勁,扭到爸爸媽媽帶我去睇醫生果次,
又係抱左我出問口冇幾耐就停左吾喊~今次又咁啱都係~!
爸爸話喎~果個朋友仔淨係驚嫲嫲,因為嫲嫲夠惡喎~
所以嫲嫲係度我就淨係扭一陣,次次我扭得好勁,嫲嫲都吾係度喎~!!
而之前媽媽帶我返公公屋企過夜果幾次,我都好乖,未試過扭得咁勁~
媽媽諗諗下,又覺得真係幾”敏”合喎~
但係媽媽又諗,可能係查完個肚波仔,咁啱又生效呢~
不過點都好啦~媽媽話最緊要係我冇事就得啦喎~!!
你地話係吾係??
大不了,下次我扭計,媽媽咪抱住我企門口囉~

扭計之前我都仲係好精靈㗎~