杰’s diary,,,, - QOOZA BLOG 網上日誌

happyyui : 個人主頁 - 相簿 - 訂閱 [ QOOZA - 論壇 - 登入 ]

2006 年 9 月 18 日星期一

2006-09-18

分類: 未分類

今日靈修ＧＥ經文係使徒行傳２３：１６－３５

我知道神係會保守我的喇，我知道神會幫我安排一切，我知道神會為我準備最好ＧＥ野。神比我更了解自己，有時候我ＧＥ禱文都只有短短的幾個字：主呀！你是最了解我的。我願意順服。我知道我自己ＧＥ能力有限，會有所疏忽，唯有神唔會。所以如果有佢幫我安排晒所有ＧＥ野，我就可能安心呢！！「好彩」、「好運」我都好似冇講好耐呢。雖然有時候都會埋怨神，唔明佢ＧＥ目的係咩，當唔清楚ＧＥ時候，就會去睇聖經。就係咁我可以經歷神，好奇妙呢！！而家我每日都有祈禱、靈修，好似已經成為左習慣喇。當人知道自己不足，就會去進修，當靈性不足，就要去搵聖經。我得到從神而來ＧＥ智慧，只是我絮並唔認同呢．．．可惜．．．可惜。

每日一記：

今日星期一，好玪。不過冇得訓，要去ａｃｃｏｕｎｔ。今日冇"釣魚"。完美呀....今日第一日行bit，好順利，見到個寸咀ge同學。very好奇，點解佢可以講咁多無聊ge野呢....冇point的喇...下星期要交account 功課....好忙好忙呢....要去考lcc 又要請假..."orz"...唔知點算呢....求神指引我走該走的路.....願我順服主ge靈，放低自己，將我交上，願主ge名得榮耀,奉主名求，阿門!!

發表時間：2006-09-19 12:49 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 17 日星期日

2006-09-17

分類: 未分類

今日靈修ＧＥ經文係使徒行傳２２：１７－３０

睇完之後我覺得好奇怪，點解保羅一講到要去外邦人果到傳福音，Ｄ猶太人就要嬲到想殺死佢呢？我諗Ｄ猶太人大概係因為要面子掛。為神揀選，係神ＧＥ子民，保羅講ＧＥ野同佢地所信ＧＥ有唔同，佢地就要殺左保羅。因為如果神都唔理佢ＧＥ子民，要向外邦傳自己ＧＥ福音，對猶太人黎講可能係其恥大辱。其實面子真係咁重要咩？我又唔覺，應該係我唔覺得我要為保自己ＧＥ面子而去做任何野去。我媽成日同我講，我做得唔好，冇面ＧＥ會係我。其實冇面咪冇面囉。佢都成日話信神可以俾到飯你食咩？咁唔通冇面就冇飯食喇喎！！真係唔明佢諗緊咩。我又唔介意用我ＧＥ面子去換我覺得值得ＧＥ野。只是有一樣野唔得，就係令到神冇面ＧＥ野我係唔會做。正確黎講我會盡量避免去做令神冇面ＧＥ野。我屋企一向都係好傳統，我爸媽都好要面，點解我個性格同佢地狢狢相反呢？佢地成日都講粗口，點解我又唔講呢？佢地成日都將個"錢"字掛o係口邊，點解我又唔會呢?人地會話，仔女ge性格同佢地ＧＥ父母唔多唔少都會有Ｄ相似，但係我就唔係喇！！所以要我去明白佢地諗咩對我黎講係好難的喇。思考模式、講野ＧＥ語調、甚至食飯ＧＥ方法都唔同。佢地就係唔能夠接受倒我"與眾不同"ＧＥ性格，不斷咁挑剔我。其實一個人如果被傳統困住就好難會見到新ＧＥ事物。我唔想咁。接唔接受神都係一樣，佢地只識得中國ＧＥ傳統，佢覺得你信還信，唔好去洗禮就得喇。聽落去黎好似好民主，不過諗深Ｄ，如果我信左神唔洗禮跟本冇意義，又成日都單單打打，講一套做一套。唉．．．．大人就係咁嫁喇。同佢傳福音講唔夠兩句就爆晒粗，我仲點同佢講福音呢．．．我平生最憎人講粗口，最睇唔順眼就係依Ｄ人嫁喇．．．．求神教我有口才講得應講ＧＥ野俾我媽聽。叫佢可以了解你更多，叫佢得到從你而來ＧＥ智慧，求神幫助佢，奉主名求，阿門。

每日一記：

今日我訓左兩個hrs，因為我做數做到5:00am。連靈修都唔記得左。對左成晚d數，真係明白到數學ge好玩ge地方。做完數5:00am訓到7:00am就去左同阿爺去"飲茶"，之後就返崇拜，今日都係寫唔到講道筆記，因為大玪喇，冇"釣魚"已經好好的喇。如果可以我真係想一真唔訓，一路咁做數呢....每做到一題，個份滿足感真係難以形容。之後pure maths，教logical 好心急想知係咩黎的喇(~^^~)chem又係、phy又係，中化左係....每一科都好想知道會教d咩。所以無論我做到幾夜我都會做perpare。(~^^~)而家ge生活太充實喇，好感動呀!!!雖然唔夠訓丫，不過好開心。聽日miki 同主席生日喎，要諗下送咩俾佢地先得。仲有就係魚皮病左喎，去完個day camp 之後就病左。唉.....真係慘。阿松今日打電話俾我問我chem 喎，我好想知佢點解唔問我妹呢?不過諗諗下，我都唔知幾時同阿松熟左咁多喎。呵呵呵.....

發表時間：2006-09-18 12:16 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 15 日星期五

2006-09-15

分類: 未分類

今日靈修ＧＥ經文係徒行傳２１：２７－２４

一句「我以為．．．」就可以搞到咁大ＧＥ誤會，Ｄ猶太以為保羅帶外邦人入聖典，就要打佢。好明顯佢地都係估估o下，就將自己以為ＧＥ野當以為真。佢地真係太stupid喇(^^")不過我覺得佢地太自私喇，點解外邦人就唔可以入聖典丫?傳統同真理比較，我倒覺得真理會重要過傳統，佢地GE思想，我真係唔明白、理解唔到。其實好多人都會自以為是，因為大多數人都係以自我為中心的，就因為自己唔去了解真相而片面咁去"搵"一個自己以為冇錯GE答案。不過要去了解真相，真係咁難咩?我又唔覺，只要你肯問就一定會知。我記得有一個老師同我講過:「你唔明又要搵答案，都要你去問人地先可以俾到個答案你，不過當你問到冇野問GE時間，你就會問自己點解自己仲唔信有神，而依個神就係耶穌呢?」聽完我真係去問，聖經話只要你去尋求就尋得見。我已經搵到喇。世界太邪惡，就立定心志去做神喜悅GE野真係好難，因為一定會有好多唔信GE人會挑剔你，如果基督徒冇咁GE意志去面對依D挑戰又唔依靠神，做基督徒就會好辛苦，就會好軟弱，從外人睇來就同未信GE人冇分別。掛名個基督徒好易，因為自己跟本冇責任上身，不過我覺得既然自己已經下定決心信主，就應該去做到最好，因為就算做一個掛名ge基督徒對我黎講都係有壓力的，但係我唔甘心咁樣。因為我知道我將要得ge榮耀比起受其他人ge挑剔，前者絕對值得得去付出，去努力。我太渺小啦，要得靠神先可以得力去做神喜悅ge人。求神叫我如何去依靠你，求神教我去祈禱，為你ＧＥ國禱告，奉主名求，阿門。

每日一記：

今日學校有團契，都仲係有好多人，不過今日ＢＩＯ　ＧＲＯＵＰ班人去左米埔。６Ｓ班得我一個。有Ｄ悶呢！！魚皮帶o係米埔左樣野俾我喎，雖然我唔知道係咩黎，不過好香的喇。上phy 堂冇左佢，就冇咁多好笑野喇。做數做數，不停咁做。下星期開logical唔知會係d咩黎呢?好心急呀，gym sir 話會好難的喇，我對中六GE生活都仲係仲憧憬，做社長，做幹事，中六一定好忙。不過我好期待，今日我返到屋企，食左飯就上床訓，一訓就訓到2:00AM。我諗我一定係太玪喇。星期六左會好忙，要努力呀!!求神叫我有力量去面對之後ＧＥ日子，叫我有追求主ＧＥ心，教導我有聰明智慧去學習。願主ＧＥ靈常與我們同在，好叫我們能分辨是非，奉主名求，阿門。

發表時間：2006-09-16 03:49 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 14 日星期四

2006-09-14

分類: 未分類

今日靈修ＧＥ經文係使徒行傳２１：１５－２６

今日ＧＥ靈修，我冇咩大ＧＥ領受。深刻ＧＥ經文都冇。不過當我睇番本靈修書後面ＧＥ問題：「你嘗試過與弟兄姊妹分享過見證嗎？你與弟兄姊妹一起時會談論屬靈的事嗎？」我成日都同其他人分享見證，我知道同其他人分享見證係好重要的喇。因為每一個見證對其他人都可以增加佢地對神ＧＥ信心。雖然話要信一樣野好似好易，不過要毫無保留咁信，就好困難喇！！每一個見證都係神ＧＥ大作為，見證有時候會俾聽者感到好神奇，又有Ｄ時間又會叫人奇怪。我好鍾意聽人地分享見證，因為從聽見證我可以感受到神ＧＥ大能。每次當我落淚，神給我應許，每次當我犯罪，神給我赦罪，每一次都係咁。我感受到好幸運，因為我唔會再怕傷痛，我可以一冇掛慮咁去做我應做ＧＥ野，一心一意去做一個榮神益人ＧＥ基督徒。就好似保羅咁，可以將自己交俾神，讓自己退下來，可以在主懷中得安息，希望有朝一日我可以去到依個ＬＥＶＥＬ啦！！

每日一記：

今日我終於都可以o係5:xx pm番屋企，我以為有得訓，不過最後都係要大埔探爺爺。佢出左院，醫生話佢有中風ge危險，要定期去做body cheak。探完爺爺之後就食野。今日都算過得平淡，冇咩事發生，如果可以俾我訓多一陣就梗加好。而窕d時間已經唔係好夠用喇.....晚晚都搞到成，1:xxam~2:xxam先訓得。第二朝起身果時超辛苦。求主叫我有精神去學習，願主ge靈常與我同在，奉主名求，阿門。

發表時間：2006-09-15 12:41 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 13 日星期三

2006-09-13

分類: 未分類

今日靈修ＧＥ經文係使徒行傳２１：１－１４

今日靈修ＧＥ題目係「願為主死」。一睇就知今次ＧＥ內容係講付出＆順服。我地成日都講：「講就容易，做就難。針唔到肉唔知痛。」其實點解會咁呢？用口講，人可以誇大其詞，天花龍鳳咩都講得，毫無限制，但係人本身就受𤥢種種原因的影響，所以好多時都唔可以將所講ＧＥ野做番出黎。我好多時都有係咁，對現唔到對人、對自己ＧＥ承諾。可能係我太過高估自己ＧＥ能力，所以往往都有力不從心ＧＥ感覺，不過有一樣野我會堅持的，就係返教會。無論我幾咁玪、幾咁多野做，我都會揀左返教會先。雖然有時要去比賽唔可以去崇拜，但係我知道我去比賽ＧＥ目的並唔係去鮏獎，而係去榮耀神。我對神許下ＧＥ承諾，我未必可以做到１００％，不過我會盡力去做的，只係對人就冇左果份動力，可能係因為我對其他人冇信心掛，俾個良心佢當狗肺，我已經失望過好幾十次，好難得先可以搵到幾個可以信賴ＧＥ同學。佢地都係基督徒，神對我總算不薄。感謝主阿！！神從未令我失望過。可能我會有傷心、痛苦、面對試練有失敗，不過神都會同我講：「唔駛怕！」可能因為咁樣，我對神ＧＥ信賴，開始一日一日咁增加。前幾日我從我爸口中得知，我爺入左醫院，求神醫治佢，要福音傳到佢耳中，叫到我爺可以相信你就係果位真神。奉主名求，阿門

每日一記：

今日終於都冇咁多野做，可以早少少訓喇。成個星期都冇一日係可以訓多過５hrs(><)。好辛苦呢。聽日chem 有quiz，希望會順利啦(~^^~)。今日pure maths 都係教因式分解。今日教果d野，好難。難係難在唔知道要"let"咩。聽日要問到識為止。上phy堂時，時間過得好快呢!!我發覺我有時會focus左去phy sir D搞笑動作果到。雖然佢講D都唔難，好怏就明晒，不過我仲未背到果幾條FORMULA(><)。今日有紅雨，我冇去練習，所以ｏ係屋企做體能。希望聽日唔會落雨啦，咁我先可以去練跑。今日我又同魚皮做按摩，先知佢好多肉(=.=)。完全搵唔到佢Ｄ肌肉分佈ＧＥ位置，仲有ＧＥ就係佢已經有同我一樣ＧＥ搞笑功力喇。果然係「近朱者赤」。６：ＸＸ　PM就番屋企。潔恩都開左學喇喎，唔知佢點呢?忙唔忙呢?原來我玪GE時間祈禱係有用的喇。

發表時間：2006-09-13 11:49 PM [ 訪客留言(0) ] [ 編輯日誌 ] [ 分享至FACEBOOK ]

« | 42 | 43 | 44 | 45 | 46 | 47 | 48 | 49 | 50 | 51 | »

happyyui

暱稱：肥杰,,kaka~
性別：男
國家：香港

MORE...