杰’s diary,,,, - QOOZA BLOG 網上日誌

happyyui : 個人主頁 - 相簿 - 訂閱 [ QOOZA - 論壇 - 登入 ]

2006 年 9 月 12 日星期二

2006-09-12

分類: 未分類

今日靈修ＧＥ經文係使徒行傳２０：１７－３８

今日睇完Ｄ經文都冇咩領受。不過有一節聖經倒是幾吸引我。「我卻不以性命為念，也不看為寶貴，只要行完我的路程，成就我從主領受的職事，證明神恩惠的福音。」使徒行傳２０：２４。原來做基督徒要有為主死ＧＥ覺悟。要將自己ＧＥ生命俾主用。的確係好難的喇。人一直都係以自我為中心，想要退位俾神，的確唔容易，就算俾左個王位神，自己都會想坐番。唉．．．．人就係咁的喇。我都唔例外。我願意認罪悔改，願意去做事奉，願意去幫人，但係要將自己交上就有心冇力。想但係做唔到。求神使用我，阿門。

每日一記：

今日好玪，成２：ＸＸ　ＡＭ先訓，做數一題做左３個hrs。諗到頭都大晒，終於做到喇，今日又要做board 跑黎跑去，腳軟，今日做第一個 lap report，好順利，做得又快。雖然做錯左少少，不過都冇影響個result。依d日子都幾難挨，不過好充實，我好enjoy的喇....尋晚訓得唔好，希望今日會訓得好d啦(~^^~)

發表時間：2006-09-13 01:35 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 11 日星期一

2006-09-12

分類: 未分類

今日靈修ＧＥ經文係使徒行傳２０：１－１６

今日靈修ＧＥ經文修面竟然出現個"我"字。我睇左咁耐使徒行傳都係第一次見到，究竟依個"我"係邊個呢?原來係路加福音GE作者。其實我一宜都唔知使徒行傳ＧＥ作者係邊個，真唔係好意思。不過睇完Ｄ經文之後，我可以再一次好肯定咁同自己講：「我要做傳道人！」我記得有一次上主日學，阿冼同我講過：「如果你可以放眼於將來ＧＥ榮耀，世上ＧＥ事你都可以視之為糞土。」其實講就係咁講，不過我做唔做到呢？而家"迫害"我GE係我D親人喎，我可以唔理咩?絕對唔得。我一定要俾佢地知，做基督徒有幾咁幸福。我知我講，佢地唔會信，所以我決定做俾佢地睇。我會做到一個榮神益人ＧＥ基督徒。「我靠𤥢那加給我力量的，凡事都能作。」依句金句，我雖然唔記得出處，不過我諗會係好多基督徒去做好自己ＧＥ動力來源。我要加油先得，做一個文武雙全ＧＥ人，又要做一個好ＧＥ基督徒。若心靈有軟弱，求主叫我剛強，因為我有軟弱，主ＧＥ大能就得顯現；因為我有不足，先致會依靠神。

每日一記：

今日係星期一，我本身要去上account，不過我唔記得左，幫科學學會搵做boar，搵到過時間，成7:xx pm 先返到屋企，之後就趕去上account，不過我上堂又"釣魚"(=.=)我實在太玪喇....頂唔順。都唔聽到好多。唉......仲有果個LCC個exam，冇得考，浪費(><)今日phy教左新野，好有趣，雖然phy sir 講野怪怪的，不過都仲睇得明。可能係同魚皮坐啦.....我同佢都有好多交流，上堂講下笑，笑下phy sir，時間過得好快呢!!!聽日chem要做第一個lap，好興奮呀!!!做titration，好!!希望會順利啦.....今日做果d數都唔難，做左3x mins。好在飲左COFFEE，如果唔係就死得....

發表時間：2006-09-12 01:13 AM [ 訪客留言(0) ] [ 編輯日誌 ] [ 分享至FACEBOOK ]

2006-09-11

分類: 未分類

今日靈修ＧＥ經文係使徒行傳１９：２１－４１

依幾節聖經係講有個人，叫底米丟因為保羅傳ＧＥ道同佢ＧＥ工作有衝突，令佢冇工開，於佢利益有損，就去左搧動其他人去反基督。我覺得佢好自私，雖然好似好有道理，不過其實佢個理由跟本就唔成立。現家香港都有好多人開果Ｄ賣香、金銀衣紙ＧＥ店舖，佢地都好似底米丟咁，靠住賣依Ｄ野搵錢。我諗佢地一定搵到好多喇。果Ｄ咁ＧＥ衣紙，薄到死，跟本就o係到"握錢"，我都唔明d人點解要去買，買依d野同燒銀紙有咩分別?不過佢地都好理直氣壯咁講，燒Ｄ錢俾祖先用丫ＭＡ！！我都唔知佢地係冇常識，定係咩？唔通佢地唔知大量ＧＥ印制銀紙，Ｄ銀紙係會貶值嫁咩，咁燒幾多都冇用啦。我媽成日話我唔好咁迷信，其實咩係迷信呢？在我認為，如果連自己做緊咩自己都唔知、自己做依樣ＧＥ時候ＧＥ目的係咩自己都唔知ＧＥ時候就係迷信。自己都唔知信咩，就盲目跟住做，自己又唔腦諗下，跟晒前人留低ＧＥ所謂習俗做。人要ＧＥ係前進，而唔知原地踏步，因咩事要自己做果Ｄ連自己都唔知、唔明ＧＥ野呢？點解唔自己做下分析呢？問自己點解，到自己問到已經冇得再問ＧＥ時候就會搵到答案。果Ｄ迷信ＧＥ人真係好可憐，自己"握"自己。希望佢地快D搵到真理啦!!我要為佢地向神祈求!!

每日一記:

今日一早我返左崇拜，諗住繼續寫我GE講道筆記，點知支筆冇墨，大失敗!!!又問唔到人借（＞０＜）上完崇拜就去主日學，今日主日學講末世ＧＥ最後一個７，好有趣。理性上我係明白的喇，只係靈性上仲未有領悟。希望遲Ｄ會有啦(~^^~)完晒所有野，之後就去左比賽，今次又有第一，聽日同學校講先得.....姜姜都係第一呢!!仲以為佢會好頹廢，點知佢好快呢!!今次有第一，真係好感謝神，因為天氣好好呢!!尋日仲係紅雨，今日竟然有太陽。hkcee就快到喇....唔知姜姜佢地溫書溫成點呢?叫佢溫書搵埋我先得，因為我都要考多一次CE ENGLISH。同佢地溫書我可以教埋佢，一舉兩得。求主叫到姜姜佢地有智慧去溫書，明白自己GE不足，求主幫助佢地，教道佢地去點樣去學習，奉主名求，阿門。

今日我走到好玪呢!!

發表時間：2006-09-11 01:02 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 10 日星期日

2006-09-10

分類: 未分類

今日靈修ＧＥ經文係使徒行傳１９：１－２０

今日靈修有一節經文好深刻──惡鬼回答他們說：「耶穌我認識，保羅我也認識。你們卻是誰呢？」我記得我o係講道時聽過。雖然我已經唔記左果堂道ＧＥ內容，不過就做依一節聖經，不斷的提醒我要做一個"真"基督徒。如果隻惡鬼同的講依句話，我仲邊有面目去見我ＧＥ神呢?Ｄ人成日都會問我：「如果神下一刻就番黎，你準備好未呢？」我而家的確係未準備好，因為我仲未做到神祈望我做ＧＥ野。不過我會努力去做的喇。我因為太過軟弱喇，要靠神剛強，係唯一的方法。今日團契果到聽左一句：「我地犯罪，冇面子ＧＥ係神。如果你一個合神心意ＧＥ人犯罪，就會俾左機會魔鬼，；所以一個基督徒會受到魔鬼ＧＥ攻擊，一個合神心意ＧＥ基督徒就更加會。所以基督徒要時常儆醒。」我一諗到我就係果個會令神冇面ＧＥ人，我就會冇面見神的喇。

每日一記：

雖然今日紅雨，不過都去番左團契。今日唔駛練習，又唔駛練結他，所以就做功課。今日又係我第一次去長跑隊，唔係練左好多：一個８加３個Ｌ。希望Ｄ體能會好Ｄ啦．．．．之後再破香港紀。＾＾

發表時間：2006-09-10 01:21 AM [ 訪客留言(0) ] [ 編輯日誌 ] [ 分享至FACEBOOK ]

2006 年 9 月 9 日星期六

2006-09-09

分類: 未分類

瓷日靈修ＧＥ經文係使徒行傳１８：１２－２８

今日靈修ＧＥ題日係『薪火相傳』，我睇完個題日大概都知會講Ｄ咩喇。向人傳福音依支棒，既然交得o係我手上，我就有責任去將佢傳俾第二個，唔單只交佢俾第二個，仲要傳受埋我Ｄ經驗俾其他人。不過其實我最深刻ＧＥ經文係：保羅佢俾人帶去公堂，公堂果個人竟然唔理，就連打人都唔理。邊有人做官做到佢咁嫁。其實我以前同果個官都差唔多。以前我覺得做基督徒Ｄ人好stupid，因為無端端，有用Ｄ律法，勒住自己，一Ｄ都唔自由，又覺得做基督徒做得好係應該ＧＥ，做得唔好就笑。。不過而家唔同喇！！原來自己是否自由，並唔係在於自己可以想做咩就做咩，而係想ＱＵＩＺ就ＱＵＩＺ，同埋我知道左人係好軟弱ＧＥ動物，無論係身、心都係一樣咁軟弱。咁咩叫堅強呢？唔係一般人講ＧＥ「跌低左可以企番起身」，而係有決心去堅守真理。要去堅守真理的確好難、好辛苦。可以話要你有依個思想，基本上世界就要與你為敵，（好似有少少誇張呢＾＾")希望神會顧念我地，願神ＧＥ道可以o係世上廣傳，阿門。

每日一記：

今日係星期五，學校有團契，有好多人呢，好感動呀．．．今後做團契宣傳，大失敗呢！！（＞＜）不過下次會做好Ｄ的喇！！今次份講稿唔知去邊，搵唔到，唯有爆肚啦！！今日成６：ＸＸＰＭ先返到屋企，好玪呢．．．之後收到ＡＮＧＥＬ電話，去左探海狗，因為佢今日生日呀！！我去到ＯＫ　ＳＴＯＲＥ　，見到ＥＢＯ佢地，原來佢地已經一早去左探海狗喇．．早過我成３個hrs=.="又會有咁多時間可以浪費，都已經係中五生，佢地要浪費就而家好浪費喇．．．遲ｄ冇嫁喇！！同海狗慶祝完９：ｘｘｐｍ就走左。不過好奇怪，就係姜姜竟然冇到，唔通潔恩真係俾左我個日誌姜姜，佢睇完之後一定會好唔甘心俾我咁話佢的喇．．．如果佢今日唔去搵海狗偽係因為要"讀書"的話，咁就太好喇^^，但係如果佢唔係"讀書"而係o係屋企無所事事的話，咁比ＥＢＯ佢地仲浪費時間呢！！依一排我都好玪，精神同體力都冇晒，做數做左一題，用左1.５hrs(=.=")好難做，有好多個unkonw。好在phy 同chem都唔係咁難，我都仲跟得上。感謝神呀.....我會繼續為姜姜去祈禱的喇，始終我都仲係好關心佢的喇(~^^~)只係唔識表達呢(><)希望佢會明白啦.....求神幫助佢，幫助佢可能有聰明去溫書，有聰明去分配好時間，分配好作息同溫書ge時間，求主都係幫助潔恩叫到潔恩可以繼續去做事奉，可以帶到姜姜返回主ge聖殿當中一同認識主。求主憐憫我地ge軟弱，叫到我地可以剛強。奉主名求，名門。

發表時間：2006-09-09 01:38 AM [ 訪客留言(1) ] [ 編輯日誌 ] [ 分享至FACEBOOK ]

« | 42 | 43 | 44 | 45 | 46 | 47 | 48 | 49 | 50 | 51 | »

happyyui

暱稱：肥杰,,kaka~
性別：男
國家：香港

MORE...