今日靈修ＧＥ經文係使徒行傳１５：２２－４１

今日靈修ＧＥ經文ＧＥ前半對我黎講冇咩可以俾我諗到，不過後半就俾到我有少少ＧＥ啟發。後半講保羅要同巴拿巴分開，因為意見不合。我一直以黎，睇使徒行傳ＧＥ時候保羅同巴拿巴都係分唔開，兩個名幾乎都係一齊出的，提到保羅就一定有巴拿巴個名，佢地一齊傳福音ＧＥ時間應該都唔少，咁都會為左帶唔帶馬可一齊去探弟兄而有爭執．．．不過我知道保羅對馬可並唔係想像中咁差．．．．因為o係歌羅西書果到都有讚馬可，要當地弟兄接待佢。雖然我唔知保羅同馬可之間發生左Ｄ咩事，不過如果可以化干戈為玉帛，就已經好好的喇！！如果我同姜姜都可以好似佢地咁就好喇！！唉．．．我同佢ＧＥ共同"語言"就只有聖經，不過佢屋企好似一本都冇．．．．真係要送本俾佢先得．．．不過俾左佢又驚佢唔睇。唉．．原來要同佢做朋友真係好難的喇．．．而家佢有左ＥＢＯ同施晴仲點會理我丫．．．．返正佢都唔會悶。算喇．．．我都冇晒辦法，我已經行出左第一步，唯有求神顧念我地ＧＥ友誼啦．．．．如果只係靠我自己，我已經對佢冇晒希望喇．．．好在我係基督徒仲有神可以依靠．．．感謝主．．．『你要專心仰賴耶和華，不可依靠自己的聰明，在你一切所行的事上都要認定他，他必指引你的路。』箴言３：５－６

每日一記：

今日我２：３０PM就返左去教會，我以為好早，點知仲有 人早過我。我入到去真係無地自容呀，因為我今日要返去幫手做總務，點知其他人已經搞好晒所有野．．．．．唔通我想事奉神ＧＥ心仲未夠？！今日個團契係以分享見證同唱詩為主，唱左好多詩歌。我最記得就係唱果首『每次』好好聽！！我終於知道、終於都感受到咩叫聖靈ＧＥ感動。就係因為依首歌我第一次感受到聖靈o係我心入面作功，果種感覺好奇妙，又好難以形容，就好似我想喊之前ＧＥ感覺但又有少少唔同．．．真係感謝主！！！之後又有結他班，今日要彈新歌，不過我好快就上手喇．．．．只係仲有一ＤＤ未得。我諗我好快就可以下山喇∼^^∼ＹＥＡＨ．．．．到時我就可以o係團契到做事奉喇!!happy!!!ｏ係我練結他其間，我做左個test，雖然得到我想要ge"答案"，但個result就唔係咁好。團契完左就去練競步，今日都係行3k，不過時間就慢左好多。失敗!!!以我而家ＧＥ情況，要破紀錄跟本做唔到＞＜。。。就黎要比賽喇．．．．求主保守當日天氣係合宜，求主加添我力量去做好每個練習！！阿門．．我聽日要寫我第一次ＧＥ講道筆記，希望得喇．．．．

今日我靈修ＧＥ經文係使徒行傳１５：１－２１

睇完之後，我o係到諗:「果Ｄ法利賽人，就算信左主都依然要遵守摩西ＧＥ律法，唔係單單自己守律法，仲要外邦人守律法，真係好其怪。」其實佢地應該明白律法係要人知罪，從而依靠神，但係信左主ＧＥ人都已經可以o係神面前得稱為義，咁即係守律法可以話係次一等重要ge野!!行9行割禮都只係一個儀式，做唔做都得，點解佢地仲咁固執，要外邦人行割禮呢?其實我有時候都會好似佢地咁，對果Ｄ又唔睇聖經，又唔祈禱，又稱自己係基督徒ＧＥ人好憤慨。我會覺得就係因為有依Ｄ人，我媽先會有咁多藉口唔信，又有對我諸多阻攔．．．．不過回想一下，我唔係都做過依一種人咩？只係我"醒覺"得快Ｄ而已．．．真係要感謝神呀！！！不過今後靈修ＧＥ題日係『重要決定』──決定唔駛外邦人行割禮。保羅佢地都係經過一番舌戰之後先致決定到的喇．．．．其實我唔知道行割禮對果時代ＧＥ人有幾重要，因為有太多歷史背景喇．．．．不過而家ＧＥ信徒都只係要對神有信心，有追求神ＧＥ心就已經足夠的喇．．．唔駛搞咁多野都好^^而家我睇緊ＧＥＮＥＳＩＳ．．．．睇左６章喇．．．目標係１個月內完成．．要每日都讀經對一個中六生可能有Ｄ困難的喇。只好求神幫助喇啦．．．

每日一記：今日係開學日，好輕鬆就過左喇．．．．新一年ＧＥ　ｃｌａｓｓｔｅａｃｈｅｒ係梅ｓｉｒ。我今年要負責中一ＧＥ團契宣傳．．．．會好忙呢．．．不過我仲有一個ＡＣＣＯＵＮＴ　可以報多個學會，我決定留番o係長跑隊，因為我要破紀錄呀．．．今年破唔到的話，就冇機會的喇．．．><....今年學校仲多左個『ＯＬＥ』我報左結他，嘿嘿．．．唔知我幾時可以學滿師下山呢？咁我就可以o係團契到幫手喇(~^o^~)....

要開開心心咁讀書呀.....

今日靈修ＧＥ經文係：冇

今日我做左一個回顧，睇留之前果Ｄ經文。本靈修書入面有幾個填充，我只係做到少少，有Ｄ失望喇。睇完Ｄ經文都會唔記得。雖然偶爾都會有Ｄ經文浮現o係我個腦到，但都係唔完整的喇；只有一小撮（幾個字），不過對我倒係幾有幫助的喇．．．．不過我睇完個回顧，我覺得有Ｄ人，好似彼得咁，佢曾經３次不認主．．．但經過耶穌復活之後，佢竟然可以，對神咁順服，咁樂於去傳福音。理論上當時耶穌復活應該就有好多人見到，但係點解佢唔信，而彼得就有咁大ＧＥ改變呢？唔通同主一齊果十幾年有咁大影響力！！！本靈修書又問到：「你經歷到聖靈與你同在嗎？」其實我唔知道，Ｄ人成日都講『聖靈ＧＥ感動』，其實到底係Ｄ咩黎呢？我都好似未試過，又或者係我唔感覺唔到．．．．．我聽我的主日學導師講，佢被聖靈感動ＧＥ時候會『起雞皮』．．．．又話個個人都有唔同反應，我都好想快Ｄ可以知道聖靈幾時感動我呀＞＜．．．咁樣或者我ＧＥ靈命會成長得快好多。我而家用緊依本靈修書，我想將佢儲齊一套６６書．．．唔知得唔得呢？

每日一記：

今日係返學前一日，我同我妹開香檳慶祝。本身以為ＡＮＧＥＬ會黎．．．同佢一齊慶祝，不過佢冇黎到，失望．．．．今日我去左睇幾會網址：http://www.christianstudy.com/biblesearch.html

http://bible.simoncheng.net/search.php

http://www.o-bible.com/b5/search.html

http://springbible.fhl.net/Bible2/cgic201/index.html

http://www.wwbible.org/ver2/Onlinebible/index.html

依幾個網址都好有用．．．．．要搵金句，好易搞掂．．．今日又係平靜ＧＥ一日．．．聽日去學校鮏獎^^HAPPY.....

不過星期一原來我約左嘉忠嫁....唔記左...放左佢"飛機"...聽日要搵佢SAY SORRY先得....

今日靈修ＧＥ經文係使徒行傳１４：１１－２８

睇完依段經文，我覺得我可以生活o係香港好幸福，因為我地唔似保羅佢地咁會俾人用石頭打．．．好殘忍呢．．．保羅佢地為左傳福音，俾人用石頭打打到以為佢死左先停手．．．．邊有人咁變態嫁．．．我知道保羅佢地唔只受咁少苦難的喇．．．到底要對神有幾大ＧＥ信心先可以做到好似保羅咁呢？我都好希望有一日可以做到保羅ＧＥ境界呢。雖然我o係學校團契、青少年團契同埋崇拜都有事奉，不過好奇怪我一Ｄ都唔覺辛苦喎，反而對住一份功課我倒係感到吃力．．．．我果本靈修書寫左Ｄ野我覺得好好：『不是服事人，而是服事神。不求獎賞，只求神得榮耀。不自誇成就，而是感謝神的帶領和恩典。不怕勞苦，殷勤積極作主工。不輕言放棄，學習堅持和忍耐。』唔知我做唔做到呢？我信有朝一日我會做到ＧＥ．．．^^

每日一記：

今日１：００ＰＭ要返學，我成１２：ＸＸＰＭ先起身，唔唔知食唔食野好。最後都係冇食。最初我以為會好快完，但係一去就３個ＨＲＳ．．．．（汗）雖然同我預計ＧＥ時間有出入，不過就好有得𤥢，因為發現左學校圖書館入左好多宗教書，做得好．．．我一定會去借黎睇．．．之後我返屋企，發現ＡＮＧＥＬ黎左．．．．同我妹睇緊ＤＶＤ。唉．．．又唔等埋我．．．搞到我睇得一個比賽，咁少=.="...５：３０ＰＭ我去練習，我見到姜姜竟然夾直左Ｄ頭髮．．．不過其實唔襯佢呢．．．．感覺怪怪的．．．．講真曲髮我覺得好Ｄ．．．．今日練左好多野．．．．９月１０日就比賽喇．．．．一定要破紀錄丫，要練多Ｄ先得喇．．．．而家Ｄ體能仲未夠呢．．．．我要做一個文武雙全ＧＥ中學．．．哈哈．．．今晚我終於睇完提後書喇．．．讀經計劃，大成功！！就係依個"暑假"我多左好多見證可以同人分享呢.....遲d開學我會將我學到ＧＥ野都寫埋．．．迫自己做revision....希望得喇．．．．有咁ＧＥ時間啦．．．．要祈禱喇．．．．

今日靈修ＧＥ經文係使徒行傳１４：１－１０

今日ＧＥ經文雖然好短，但係就講左保羅同巴拿巴o係兩個唔同ＧＥ地方──以哥念同路司得──ＧＥ講道。最初保羅佢地係以念哥講道講得好地地，有好多人信主，但就係因為有d猶太人心硬，唔信，就想用石頭打佢地。於是佢地就去左司路得o係果到佢地就醫好左一個生來瘸腿ＧＥ人。其實我好少對人傳福音，大不了就係學校福音週到幫下手，但真係走去用一個基督徒ＧＥ身份去傳就未試過。我唔知道保羅佢地俾猶太人趕走、俾人拒絕ＧＥ果種感受係點樣。不過諗返轉頭又有邊個會想俾拒絕先得賈．．．但睇見佢地俾人拒絕左咁多次都仲肯為主而傳道、而受苦，甚至連命仔都未必保得住，對於我黎講真係一個好好ＧＥ榜樣，不過要做到佢地咁又談何容易呢？我星期日崇拜時個牧師講：「世界上最遠ＧＥ距離就係由個腦去到個心。」雖然頭腦上我係知道要靠主，但就係做唔到。唔通我真係咁軟弱咩？我少同其他人傳遁仲有一個原因就係驚，我連過山車、海盜船都敢玩，就係唔敢同人傳道，因為我驚俾人問到口啞啞，我對聖經ＧＥ認識太少喇．．．所以要努力Ｄ睇聖經先得^^..

每日一記：

今日我去左圖書館ＰＲＩＮＴ野．．．．．好見到ＤＳ．．．佢又係一如既往咁要求我做依樣做果樣．．．．．俾佢煩左個幾鍾．．．ＰＲＩＮＴ完野之後就去左睇ＰＵＲＥ　ＭＡＴＨＳ　ＰＡＳＴ　ＰＡＰＥＲ　，我竟然識做１題．．．好開心。聽日要返學校，因為我ＪＯＩＮ果個讀經計畫聽日就係最後一日喇．．．．跟手就要ＳＥＴ定今年學校團契ＧＥ內容．．．．有兩個字依一排成日都出現o係我個腦到就係：ＣＨＲＩＳＴＩＡＮ＆ＣＨＵＲＣＨ　ＧＯＥＲ，我覺得我漸漸地似一個ＣＨＲＩＳＴＩＡＮ，但係姜姜就似ＣＨＵＲＣＨ　ＧＯＥＲ，唉．．．．佢都係一個基督徒但屋企連一本新舊約全書都冇，返教會又．．．．又唔多見佢祈禱．．．．同我以前一樣．．．．不過我比佢幸運就係我入到禮賢會，接觸神一家會比佢多Ｄ的喇．．．．好啦．．．下次佢生日就等我送本聖經部俾佢啦．．．．不過佢做唔做到ＣＨＲＩＳＴＩＡＮ就要睇佢自己喇．．．．

ＴＯ潔恩：

如果你睇到我個日記就請你要多多幫助姜姜喇．．．．因為只有你先可以令佢做一個ＣＨＲＩＳＴＩＡＮ而唔單單做一個ＣＨＵＲＣＨ　ＧＯＥＲ．．．．我會為你祈禱的喇．．．．希望神會改變姜姜啦．．．．願主ＧＥ恩惠、平安常與你們同在直到永遠，阿門！

ＧＯＯＤ　ＮＩＧＨＴ