各位新年快樂~!!!

今年時間過得特別快~

可能今年特別少假期啦~

今年係我比人罵得最多既一年~

今年係我最唔想理任何事既一年~

今年係我最多無奈既一年~

今年係我最想申訴既一年~

今年係我失去最多既一年~

今年係我張枱最亂既一年~

今年係我最多進出醫院既一年~

今年係我最多野怕既一年~

今年係我七年來第一次無旅行既一年~

今年係我聽得最多大話既一年~

今年係我經常混亂既一年~

今年係我最常做錯事既一年~

今年係我最胡來的一年~

今年係我退步最多既一年~

幸好~

一切一切~

都如過眼雲煙~

樣樣覺得唔好既事情....都好快變番好~

基本上我識既人都好好~

所有野都好似係個天準備好比我咁~

絕不會置我於死地~

所謂:絕處可以逢生~

大事化小,小事化無,總會安然度過~

都係果句-.-...一世死好命...XDD

06年就完了~

just carry on~

難度還要傻傻的默默的等待咩~

時間唔會停~

好似睇一公升咁~

我地都要為左生存而努力~

或者唔可能活得精彩~

亦希望可以活得自在~

ps.wow...今日個月光幾靚wo又~

好事好事~

有時大家對住本書對到cracy果陣...無無聊聊就望下出面~

睇下見唔見到個月光...就算見唔到...都睇下有冇星星~

個心會平靜好多嫁~

當然....落雨多雲就無野好講-.-..

不過有時望下d雨...都唔錯嫁~

哈哈~

做人樂觀d好

今日一早起身....老父竟然放假=0=

haha~

餐強治...非常好XDDD

食完又拿拿君換衫返學=0=

連續番左第4日學....臨完場感覺良好..呵~

不過....唉....人生咁多年來最差既一份sec A.....極度無奈的只有21分~

我都唔想....主因係....我坐最頭位...對正部XD機...再加多一支咪.....

部機開到最大聲...我直情比部機攪到崩潰....

做完part 1 即刻坐第二個位...點知miss話"其實我一早想叫你坐去後面"

果下真係有點無奈-________-....再調去後面坐...

點知又唔習慣變番細聲...可能隻耳仔經過最大聲之後...適應唔返-___-""

就咁....完全習中唔到精神....唉....再聽果陣...我都懶得改了...

改可以改到好高分....但都知道哂d point..唔想改了-_-

由佢....

anyway....我又再一次對唔住miss....不想再找藉口...是我的錯....

好耐都無試過呢份卷過唔到5成....真好....係時候反省下....

放左之後...同呀祺食飯~

十分好....聽左好多佢既方言...."豬媽"..haha.....好好笑~

食完返home休息陣...就去補benny~

costing的開始...

看來我好大機會唔補....

anyway...我會再考慮下=0=

依家終於on到msn了~

呵呵...

十分合時呀...haha~

check得番e-mail了....呵呵呵~~~

最好既係....3/1先至要返學....yeah.....我終於放假啦...

不過無得休息-___-"......一個月....好快到...大家努力~!!!!

仲有2日就07了.....未諗到打啦好...聽日先吧=0=

haha~

好無聊地睇本文學書...

但唔覺得自己係度溫書-.-...真係只係度望望望課文~

睇左2課未教既...感覺上都幾簡單...

不過真係幾悶下-________-................無諗到原來散文真係咁悶....

好彩夠短=0=......唔係真係會悶死~

原來今日29..聽日30了...好快又07...

係時候轉番用d常規既溫書方法-.-....唔可以再想溫咩就溫咩啦.....

ps.頭先用詩欣姐教既方法online....on就on到-.-...不過講唔到野=0=

on左等於無on....廢網一個.....見到有4個e-mail...但開唔到....原來個感覺都幾無助..

ps.原來以前d人...一定要寂寞過先至寫到好既文章~

"永垂不朽的,只有風聲、水聲,與無涯的寂寞而已"

怪不得讀親既...唔係遊山玩水...就係感嘆自己d慘事~

其他都係差唔多既野....簡單講...都係因為攪到佢地咁寂寞,至有今日既成就,你寂寞嗎?

一早8點4起身...攪攪下已經8點半-.-

即刻換衫

又再次放棄了台上那可愛的面包~

面對狂風打擊....被迫默默承受~

逆風而行...呀唔係....係跑先岩\./

成功趕到8點49分班車~!!

去到po lam可以慢慢行~

返去做section E....做到我好悶=.=

做到我超無癮~

頭果part我竟然浪費左勁多時間....唉....

雖然最後都仲有剩時間....

但係....真係唔可以咁囉.....

一定有要番dd進步.....唔係遲d點算!!!!

呢份卷太重要了...大家要努力~!!!!

做完之後...個一個鐘好易過=0=

講下份卷...又講下聽日既listening點~

12點4放學lu~

即刻同彥去漢陽食飯~

食完彥返屋企換衫~

我周圍行下...好快到左1點3...去MTR搵佢了~

上車果陣...見到呀恆,小怡.emily同kayan~

佢地好攪笑...係TKO站度唔知做咩...呀恆拉左emily出去...點知架車準備關門~

小怡同kayan唔知點好....kayan話:出去囉....

小怡真係出左去...就係呢個時候就關門....kayan出唔切去...haha~

去到調景嶺..等埋佢地同一洪就轉車lu~

今日benny又係2個半鐘....差唔多3個鐘-.-.....

不過好易過...但係好凍....凍到kayan坐左黎後面~

4點10度放lu~

即刻番home......今晚又係無得online嫁啦睇黎~

今日算打得長日記lu我....haha~