今日放左學之後返左屋企食飯

第一次呀!!!

四點左右又要搭返車去龍門居補習

好慘.....又係孤零零一個

去到補習社

我見到一個前所未見過既景象

就係補習社入邊算埋都唔夠十個人

仲要得我同張權係六年級

我開頭仲以為我睇錯左時間早左黎

但望返個鐘又真係四點半

我坐左係度無野做

劉SIR就俾左張數獨既紙我做

我一邊做劉SIR就一邊同d低年班傾埋d無聊野

做做下既時候竟然俾我見到....

劉sir係度搓張權塊面

我就好無奈咁望住劉sir

劉sir見到我望住佢

佢就話"做咩呀??唔抵得呀??!!"(唔抵得係指佢搓張權塊面)

跟住!!!我竟然諗都無諗就答佢"唔要!!"

劉sir佢超大聲話"你肯我都唔制啦!!"

即時覺得我係一個白痴

有咩理由答"唔要"

唉~~~白痴仔既所為

死啦!!!佢聽日會唔會又提返起呢件事架??

點解日日都好似有一件瘀事發生係我身上架!!!

why!!??

今朝一早阿爸就同娣返左大陸

阿媽又病左   咩家務都未做

諗左好耐返唔返教會

最終都係返

一路聽信息既時候   我最唔想發生既事發生左啦

就係....我阿媽既奪命狂呼

我決心唔聽電話

因為通常同佢講講下就會俾佢知道我係教會

完左聚會之後

d哥哥姐姐同緊d新朋友傾計

我同家姐佢地一齊玩"九唔搭八"

到最後一鋪梁淑儀就問我最鍾意食咩

但我又唔可以講出黎

跟住趙雪荷就問我邊個最似肥姐

但我要講返梁淑儀果條問題既答案

哈哈!!我就答趙雪荷壽司最似肥姐

食完飯之後我地一齊玩集體遊戲

我地分左三組

我地玩解手扣    都唔知點解

我地次次扣完解返出黎都係分開左兩個

之後仲三組一齊扣埋一齊

通常咁多人一齊結果只有一個.....

就係打左個死結出黎

我俾佢扯到隻手就段就段

跟住玩左個奇人奇技

gary好勁呀!!!佢可以將隻腳凌空淨係用隻手黎行

其他組都無人做到

嘻嘻^^我地果組就咁就有一分啦

第二組派左羅乘x出黎

佢d手指超勁....成條香腸咁

可以屈到貼住個手背

好采...我地及時搵到程程加入我地

程程d手指拍得上佢

玩完遊戲之後就有d家族事項要宣佈

有去camp、小組、學生訓練......

其實我好想去學生訓練架!!但又唔知去唔去好   得我一個

好開心呀!!今日有族衣啦!!我等左好耐啦    件族衣好靚架!!

但我唔記得左戴錢=="無得拎....要等下星期先可以拎

返到屋企竟然俾我聽到一個驚人既消息!!!就係....巴西輸左呀!!!

點解會咁架??!!竟然輸左俾法國...嗚嗚~~~失望死

又要四年之後啦.....