係天水圍踩左一日單車   好熱呀

12點幾既時候同pig一齊去左天恆度搵sushi睇聖經

一點幾去左KFC度食野

 係KFC見到一班弟兄

佢地出左去買野食   我留係度看野

無啦啦有人係度講"張金定"

我一聽就知係黃健鴻又唔記得左我叫咩名係度亂咁叫

我地食完野之後去左輕鐵站側邊搵鍾老師佢地

鍾老師戴左好多人黎

有6A、B、C班班都有D

等齊人之後就去左借單車

我地分左兩批出發

一班係多學生   一班係多哥哥姐姐

我sure就係多學生果批啦

我地沿住條河側邊d單車徑踩左一個圈

踩到去一個斜坡既時候

謝芷雅殺唔切掣撞左落石駁之後再撞左落條石柱度

嚇死我同鍾老師好采無整親喳

踩完之後去左買野飲   買完之後返到黎

等埋其他人返埋黎先出發

我企左係部單車側邊等

無啦啦謝芷雅部單車趺低左

一野撞左落我隻腳度   嗚嗚撞瘀左我隻腳

等齊人之後我地向住令一邊踩

由最熟路既阿發戴路

踩踩下既時候無啦啦霍嘉俊停低    我又停唔切

=="成個人撞左落佢架車度

果條路有好多地方都要上斜

我唔多夠力踩上去

俾黃健鴻笑我一去到上斜既時候都上唔到去

我地踩到去濕地公園果頭就回程

由對面踩返過去

係條天橋落斜既時候我見前邊好似落去咪踩過去

原來係一條樓梯    差d就死係條樓梯度

返緊去既時候有d人行錯路   阿發就去搵佢地

叫我地跟住條單車徑一直踩就會到單車鋪

原本一路都係我最快架

踩踩下既時候霍嘉俊同黃健鴻話    "你識路架啦??"

我以為我行錯路   就拿拿林停低

點知佢兩個竟然爬我頭

仲要話"無~~問下你識唔識路姐....無話你行錯呀"

算.....我唔同佢地計較呢d

交返架單車之後我地一齊影左張大合照

跟住就去左7仔買野飲

好耐未試過踩咁耐單車啦.....

第一屆既歌唱比賽就係今日啦!!!

吳老師今日做tsa既時候超識do

專登做快d開電視俾我地睇直播

食飯之後我地就開排舞同企位

我地每個都有道具架!!可以揀自己想要既頭像

有阿May、麥兜、Jane、得巴......

我揀左好q既得巴呀

仲要拎一個花花

老師仲畫左一個校長同misschan呀

好似架!!唔好誤會....係春田花花果個

落到去禮堂果陣以為淨係得六年級咁冷清

原來仲有四、五年級係度同我地撐場

未到我地既時候

d人係上邊唱緊既時候我地成班拎住d花係度搖黎搖去

幫佢地打氣

最嚇死我既就係杜殷婷唱"強"

將條喉嚨拉到超高聲咁唱

好似就段氣咁

仲有阿ram

佢唱"紅日"

唱咪唱囉洗唔洗拎哂吉他咁呀

仲要係神神地既

佢淨係唱"啊~~啊~~~啊~~啊~~"都唱左五次

到李偉杰唱"足球小將"既時候我地好齊心咁幫佢打拍子呀

終於到我地「6A三分二」出場啦!!點解係三分二??因為只有三分之二人出

我地一人個頭都戴住左一個公仔頭係度

因此而成為全場最觸目既組別

而且仲要係唯一一組唱"春田花花幼稚園"

真係特別

以我地美妙既歌聲加上動人既舞蹈我地「6A三分二」得到冠軍

亞軍都係我地班架!!!

頒獎之前請左四、五年級既冠軍出黎唱多次

五年級冠軍黃傲邦仲叫左阿RAY同佢一齊唱

跟住又叫埋黃SIR

當黃傲邦上台既時候

戴安琪做到好似關佢事咁

校長問左我地借"校長"果幅畫

話放學果陣拎住佢企係校門

完左之後我地成班6A仲同D老師影左張大合照呀!!