今日9:00幾上上下英文堂既時候

突然全部人都望住個天

雖然係9:00幾但個天同7:00幾無咩分別

不過好靚呀!!!d樓開哂燈

無啦啦行雷跟住仲

之後個天就濛哂lu....一d都唔靚啦

小完息之後先知原來掛左黑色暴雨

一日之耐出齊黃紅黑雨真係第一次呀....

尋日交左果封停止補習既信俾補習社個miss   但係寫錯左少少野所以今日先可以交

今日補完習之後就同江拎封信去個miss度   佢話要一個一個黎

咁我咪俾江先囉   江俾緊封信既時候咁岩劉sir出緊黎

佢知道左我地話唔補之後就叫左我出去

之後係咁問點解唔補   我咪話我阿媽叫囉...

佢打左俾我阿媽  點知我阿媽話係我自己唔補

劉sir係咁問我點解唔補   佢問係咪因為佢呢兩個月都無理到我地所以唔補

其實我有少少想答係架....不過算啦

又話一定要俾一定要俾個合理既理由佢    跟住佢又講左好多唔同既理由   問我係咪

我都係堅持答.....唔係

問左幾個字之後又叫埋江黎  而係問點解唔補

講講下唔補呢個問題既時候無啦啦講左去升中    之後又話江群埋d衰人

江俾佢講到想喊想喊咁....我咪話佢平時都係同我一齊邊有同d衰人一齊

佢唔肯信我地講野   講講下又話咩升到中學之後放學果陣可能會有男仔係出邊等人

叫江要小心d....講到江好似d唔三唔四既人咁!!!

唉~~諗唔到d咩合理既理由俾佢呀....點算呀??!!!

原來想唔補習都咁麻煩架...