星期二洗池番到去個池6點半開到10點之後就開始清池.....今日我負責刷池邊刷到比D磁磚果D邊界損左隻手指公....都幾痛~11點幾就做完開始等1點9放工la.....所以睇左"九品芝麻官"既B碟睇左起碼5次la.....跟住咪開始訓lo訓到D手腳都"脾"晒~好快就放工lu.....放左就即刻番屋企因為要學結他學完就即刻出去城大註冊毅進.....搞完就落番灣仔等今晚打拳la....但係仲有2個鐘左右咁咪落左機鋪打機lo.....打完去左買水就上富德打拳今日都唔係好辛苦姐.....今日練比人打要望住個拳唔好眨眼但係自然反應黎架ma....真係要練下~打完就睇左佢地玩左一陣魔術好開心呀^^D唔開心既野唔好提la....做人希望可以善忘D la~唉!!

一早又係番工.....因為無帶飯既關係所以今日叫食....椒鹽豬扒飯真係好正呀^^一大班人坐低食下飯吹下水咁好過穩呀好耐都無試過~等放工果時就做下體能....做左60下掌上壓200下situp好耐都無咁博啦......"支力"死人la~放左工就去番木球會啦勁多人......不過都幾舒服呀今日.....放工咪番屋企lo~.~

唔知點解d人真係咁鍾意打麻雀.....半夜三更仲都人地屋企打麻雀真係火都黎埋......好想鬧人呀!~聽日打沙包發曳

今日真係又熱又焗.....呢D天氣真係好辛苦....搞到要不停咁沖涼~好彩食完飯之後講左一場雨.....開頭淨係聽到幾下行雷諗住唔會點la.....點知好快就落起雨來仲越落越大tim.....仲閃埋電....正~!!即刻叫人上水不過大雨到走都走唔到......咁就拆左遮太陽果把太陽遮黎遮雨la......走左之後阿頭話要接埋係出面D兄弟同客番黎.....出一出去個個都濕晒~.~放左工就去番怡峰番工....番到去咪睇下書lo......放工就番屋企la.....good~咁就一日lu

今朝一早起身好"支力"好"支力"......番到去就不停咁訓不停咁訓~放工就終於真係放工la.....番到屋企沖左個涼就出去睇樓啦~間野都so far so good la.....之後幫左阿B換木糠......跟住就出去打拳la~好好玩呀今日....終於左得練freefight......好正呀~!!

今朝一早番到包玉剛泳池個個都好眼訓...所以成朝都死氣沉沉......當阿航番左黎果時就問我地收唔收到風~我地個個都好疑惑無啦啦有咩風收.....原來尋晚泳池比人投訴.....咁包玉剛咪對住南濤閣既(姐係果炸居屋).....尋晚11點幾果度就有人投訴點解訓練池有人游水會無救生員當值架!?大家要知道所有政府池都係10點正關池.....有D人會留係度清池但係11點左右就一定會走晒人.....投訴果個人就話有個著紅色衫既女人坐係池邊望住兩個小朋友係度玩水.....雖然以前都見過呢D野但係聽到果時個心即刻寒一寒因為我岩岩就係係訓練池上黎~.~當然唔排除果個人係有心玩我地....但係為左安全起見今晚都會拜一拜神~其實之前都聽過D師兄講過以前有人係訓練池見過一個著紅色衫既女人行黎行去.....7月節真係......唉~!!今日放左工之後就落去番香港仔遊艇會....一番到去D小朋友就拎晒D吹氣海豚呀鯨魚呀鱷魚果D出黎叫我泵氣....我頂~十幾個呀大佬~之後行下坐下同D阿叔傾下計咁就放工la.....番屋企食飯&打左陣PS2不過打到悶悶地.....