8點半起左身都係去番工啦....今日番左淺水灣道67號番10點放1點....我不嬲都話呢個池係最好做架~無人游做咩都得人工又唔少.....所以今日番到去睇左半個鐘報紙跟住就開始訓.....不停咁訓訓到12點半左右先醒~不過仲係好眼訓.....放左工都係番工啦....今日晏就淨係食左一個$2既包好抵呀.....雖然唔係好好食但係唔難食就得啦係咪!?係黃竹坑都係hea下hea下咁啦.....好快就到食飯既時間啦....帶左飯無食到~因為今日打邊爐.....十幾個人一齊打邊爐飲下酒真係好過穩呀....食到想嘔都只不過係$40炸有得飲有得食^^佢地個個都飲到傻傻地....好彩我飲少少姐.....無幾耐就放工啦~番到西村同子霞落左海怡百佳行下買下野之後就番屋企lu.....終於聽日唔洗開早可以訓晏D......而家已經好眼訓啦唔打啦~.~

今朝5點幾起身.....好辛苦呀真係~!!番到木球會之後阿巢就整左5隻雞翼出黎我就食左2隻....好好食呀真係~食完果時7點4左右咁就上去訓左粒幾鐘.....8點9就出番黎當間.....跟住好快就食飯lu.....今餐都幾好食~very good^^食完又去訓左一陣之後就放工lu....放左工當然係番工啦......番到政府池咪又係食下野咁囉~我終於係副池獻出左我既第一次....第一次用大聲公鬧人唔好騎肩馬....好過穩呀^^當夜晚果場我接阿傑間果時見到阿傑比女溝緊.....條女係咁問佢比唔比~之後唔洗1分鐘就成個池既救生員都知道晒lu.....對講機既威力真係強~!!

7點先上床所以12點幾先起身....起左身之後玩左一陣就番工啦~番到去無咩野好做.....不過今日無啦啦有一個我諗中2左右幾靚女既女仔走埋黎同我講野....不過好快就無野講lu.....都唔知佢做乜~食飯果段時間要留池所以個飯鐘就遲左一個鐘.....咁我就走左去幫容碩文做溺者.....執到啦佢唔洗錢有專業既溺者用~佢考完之後個個都話佢唔多掂......其實真係有D炆我今次真係差D浸死唔係講笑.....夜晚既時候見到黃子燊同Karry游水.....有D野呀下

呢日既日記係第二日先打番既.....尋日真係好過穩呀放左工成班人一齊出左銅鑼灣同阿史慶祝生日同埋睇決賽.....我地成班人上左吧我第一次上炸....好得意呀上到去就猜梅飲酒.....好好玩呀真係~!!過左無耐就食蛋糕突然之間有隻乳豬tim ar笑死我....不過未開波之前已經有幾個人貓左....煩到死-.-"要送果D人番屋企.....發生左好多事好危險既事.......之後6點幾就番左屋企訓教lu~訓醒又起身番工啦^^真係好難忘既一日呀

今日比人叫我做叔叔呀~!