今朝又要番木球會番7點.....但係我唔知醒~阿巢7點2打黎問我係邊.....我話"死啦我仲係屋企"佢話唔緊要即刻番~最後遲左成個幾鐘先番去.....番到去仲有得訓~正~!!今日之所以遲到係因為尋晚出街出到好夜先番屋企.....報左拳睇左超人....超人都幾悶~.~放工咪番黃竹坑lo.....又番工~唉....都無咩好講呢今日~!!

今朝都係番木球會咁啦....番完本來今日就唔洗番政府池既不過上頭話唔比成日唔操水所以要番工~操完水之後就鬥未水....最差果兩個要買今晚打邊爐既野食仲要比多D錢tim.....誰不知我竟然係尾二果個~唉~!!咁就無左$100肉都赤埋.....今日政府池洗池所以晏晝果場唔開我地咪係咁玩lo....5點幾就落左去踢波啦~之前已經整傷左隻腳腳指公個關節腫左....諗住唔緊要落去踢啦點知比人踢左一腳...痛到我呀~!!番到去就開始打邊爐la打打下勝哥無啦啦同我講"o靚仔你有無食煙架?"咁我咪話無lo....點知佢話"你由聽日開始食la....你食左你啖氣就會長氣D架啦!"我呆左話下...哦....都唔知比咩反應佢好~打打下邊爐諗住飲野一打開雪櫃全部都係騎士啤最後都飲左一罐.....聽朝同人調左早間要追間呀.....晏晝去報拳~YEAH....恨左好耐架啦我

終於唔洗早起身lu......所以10點半先起身學結他~之後玩左一陣電腦就去番工lu.....勁呀今日~泳池敲左兩次鐘而家差唔多隔一日就要敲一次.....唉~!!本來聽日放假架不過上頭話唔比成日唔操水....所以聽日就要番工啦.....成個禮拜都無假放~好慘呀

唔知呀唔知呀.....番工不停咁番工....番到政府池要係咁鬧人~煩到死呀D on9仔.....火都黎埋~!!食飯去左踢波傷左~腳指公腫左

5點9起身走左去番木球會....勁眼訓勁"支力"....每人訓左個半鐘^^跟住就番包玉剛lu....頭間跳池~差D一開工就要敲鐘救人....死仆街仔唔識游水學人跳水.....好彩佢一落水佢個fd姐刻落左去推佢番黎....遲小小我都要落水救佢呀....佢一上水我即刻問佢識唔識游水架.....呢D仆街仔一定要屌醒佢如果唔係好快會浸死佢~今日無帶到飯所以叫左全記食....食完就當間當當下我個肚開始好痛&聽到對講機話有人投訴中池有人餵奶叫人過去睇睇....我即刻以為餵人奶原來奶樽姐嚇死~當轉間果時咪照常地上番去休息室&諗住爆一爆石.....行上去果時Danny同我講因為有人投訴所以要去中池巡間....好彩佢比我去廁所姐我肚痾呀~.~落去巡果時有個小朋友走過黎同我講佢損左....咁我咪帶佢上去十字室lo....去到都唔知點做果其用D沙威龍同佢消毒之後貼張膠布就叫佢走la.....過左一陣蕭公子果D釣完魚番黎.....勁大條呀真係好勁呀~!!