如蘭節快樂呀咁多位......今日又遲左起身又要搭的士番工......真係唔信邪都唔得呀~今日泳池叫左兩次白車......一朝早有個上康體游水班既一個阿婆跌低左......我都見唔到佢點跌係見到有佢訓左係度郁都唔郁....諗諗下就知大禍~高佬即刻落左台睇下咩事.....我就即刻叫機同佢地講"副池有人跌親訓左係度快D落黎幫手"~之後阿史就即刻出左黎幫手因為D人仲未有人落黎幫手所以阿史再叫多次機......根本無人敢掂佢阿史就叫佢試下訓番好D....佢又訓到咁姐係佢下身無事......再咁住就叫佢郁下D手腳黎睇下.....佢又郁到咁姐係條頸都無事la.....都好D~但係為左安全起見都幫佢落左板....好快白車就到左lu.....都鬆一口氣~!!過多陣有個小男孩撞傷左個下巴上黎十字室......明哥就話要去醫院聯針又叫白車~到左食晏果時我地就拜神......咁就拜左一個晏晝~放工就去番木球會....hea下hea下無咩野做.....番3點至10點但係因為今日早左無客所以又早左洗地果D野.....9點3左右就放工走左lu~番到屋企就即刻餵我D蛇仔......佢地生吞D魚真係好鬼死過隱^^但係佢地而家惡左好多....陣我都想咬我開始要戴手套捉某幾條過度活躍.....

今日都係番工放工番工放工咁啦.....係夜晚上左阿婆度做節......跟住就同左佢落街燒衣~燒完過多陣就番屋企lu.....今日D肌肉都痛痛地~今日都無咩特別....係尋晚上左富德打拳~正~!!不停咁打沙包....打左9個字左右我又低能下下都用盡力打落去....雖然有戴拳套但係右手手指尾都有少少扭親同埋左手手指尾舊骨打到起左水pok仲要打到穿埋tim......我要努力D打....打完之後同左子霞去銅鑼灣打邊爐飽到我死呀真係......仲有仲有就係尋日拎左10幾條水蛇BB番屋企養....真係好鬼死得意呀^^

尋日番夜間比人罐我飲酒......最後feel到自己頂唔住就拿拿林走如果唔係我會走唔到架la.....成夜都番到屋企費事番到去比媽媽鬧我又飲酒......最後hea到4點幾先番屋企沖涼換衫番早間.......時間真係岩岩好.....搞掂就即刻走la~!!一上到小巴就聽到收音機話落3號風球.....shit~!番到去因為尋晚無點訓過同個頭勁痛既關係所以我勁"支力".....都唔知自己做緊乜.....一有時間就訓~食飯果時走左去同阿史同細布去打波......好耐無打過啦.....好好玩呀~番到去wing下wing下就放工lu.....放工就買野上去比子霞食......碧君就淨係識得訓~食得好飽好飽......夜D本來話出去睇"魔盜王"架點知無位又唔岩時間.....最後就無睇到啦~係銅鑼灣買左件Quicksilver既背心.....同子霞周圍行下就番屋企lu.....而家好眼訓

到左八月政府池開始番早間.....番早間D時間好用好多^^今朝5點3起身整下呢樣整下果樣之後睇左一陣爆笑急轉灣就番工啦.....番到去都係頹下頹下咁個個都未訓醒~一有時間休息就訓....因為今日一號風球既關係大風到爆呀.....到左食飯既時候佢地話出去踢波咁咪踢lo.....但係無啦啦佢地去左籃球場踢話打3打3打3隊.....好好玩呀另有一種風味呀真係~玩完就番去開工之後寫字樓D阿頭問我地續唔續約.....本來我諗住唔續架la.....不過D師兄話申請左先啦....佢叫你簽約你可以唔去簽架ma.....講得好豈所以我臨收工就去左寫申請信.....寫完咪走lo....一放左就番第2份去香港仔遊艇會度番.....3點至7點勁悶好彩都唔係過得好慢姐D時間....夜晚就番屋企食飯.....好耐都無試過係屋企食飯la~

放假起身第一樣做既係學結他....學完玩左一陣電腦就去幫阿史番淺水灣.....到左香港仔就幫蕭雞買晏晝買麥記我自己都食左個雙層芝士孖堡....完全唔夠飽呀~.~番到去用部PSP睇左一陣"惡魔在身邊"....好快就放工la.....放工就即刻番屋企執野出去學拳~第一堂上到去做下跳步......學下揮拳同保護下自己咁啦.....練左一陣就開始打沙包啦~好有發洩既感覺~正爆呀~!!玩完一陣開始做體能.....做體能真係好好玩呀~打完沖左個涼就去食野啦....食野果時隻手就不停咁震=.="星期六上去做體能.....我要比心機打第時要打死人.......