前幾日都可以成日見住你地，但係E幾日就令我感到寂寞。各種同住歡笑既說話，依傢已經聽唔到，恨不得E個假期立即就過去。不過今個星期六都比較好，因為要做咩咩舞蹈比賽既義工，所以又可以聽到ED聲音。不過比較起前幾日，就覺得陸運會真係好好。不過過去就始終係過去，我地又可以點丫，就只可以繼續向前。

講到今日做義工既經歷，真係超累啊!!我地要兩個人拿住一塊勁大塊既布黎做開幕既表演。練左超多次，搞到勁累。等左好耐，終於可以完結啦!!

返到大埔，食完野之後，就去左打波。本來就想搵Aaron一齊去，不過佢就唔係屋企。

聽日就要正式上場啦!!我地好有機會會上電線嫁!!敬請留意!!

本來E一個日記已經比我放低左，不過今日有一位讀者要求我重開日誌，所以今日我E個日記板又再一次復活啦!!不過離復活節仲有一段時間哦!!

今日既陸運會我都冇野做，因為琴日我已經玩哂5樣野啦(公開3000米、100欄、800米、標槍、社際4x400)!!不過係勇社度睇比賽都唔錯。不過第一日一開始就跑3000、搞到我其他都哀哂!!最後只係得兩銅，比上年差好多。

放左之後就去左大埔同CMC傾計，講左好多野啊!!之後我地仲影左超多相啊!!而要求我重開日誌既人，就係E位CMC。

係我冇打日記既E段時間，我睇最多既就係丁丁同CMC既日記，比較起上黎，丁丁既日誌就不定期甘打，同埋每次都係簡單甘講佢果日既事。CMC既就多講佢既心情，仲將好多關於佢既事暗示出黎，而ED事就只有一D知情既人同佢本人先知，我覺得佢都係想舒發下感情。

係夜晚我又不期然回想起之前共創成長路去Camp同{睇將來}既野，令我突然間喊左出黎。真係好希望E段友誼可以一直維持落去!!

好歌推介

張敬軒 - 分手前的雨天

曲：吳晶輝 詞：易家楊 編：洪敬堯 監：包小松

我在雷雨下的屋簷
午後一點你來電
我知道這一天它終於會出現 像一道閃電
站在籃球場邊的冰店 迎接愛情的期限
你小小聲對我說那麼就這樣了
但是滿天的烏雲要來了
分手前的雨天 我記得臉上的雨點
時間忽然停了天空也是黑的
我都看不見 分手前的雨天
像一張凝固的相片
沒有方向的我孤單站在馬路邊
那個分手的雨天 我忘了臉上的雨點
世界再說什麼還會給我什麼
我都聽不見 分手前的雨天
我聽見心中的雷電
午後那一場雨也許扭轉了一切

今日上中史堂，阿sir就派番份卷，有71分，同上次既分數都卷唔多，不過都係比我預期低左D。

之後普通話堂阿sir就話D人去左Camp，所以唔教書。佢就係度講一D關於升學既野，搞到我都唔知讀唔讀IVE好。

放左學就因為落雨，所以就冇去打欖球。

等左甘耐終於有PE堂上啦!!不過今日就要做體適能。因為春春做左70下掌上壓，所以我就做左71下。不過做完之後隻手就冇哂力，連個身都冇咩力，搞到sit up就做得43下。之後阿sir見我地搞定哂D野，就比我地打波。點知因為就手冇力，所以打籃球果陣就air哂!!

之後上通識就對卷，不過因為Miss改錯左，所以仲未知係幾多分，不過一定有六十幾。