今日我阿媽就出左去報Camp，係去西貢戶外康樂營，報左16個位。計埋我就有十個人去，仲有6個位，如果想去就話我知啦!!同埋now啤啤就一定去，丁丁就星期一二先知，肥棋就遲D先知，阿廷就星期一先知，司徒就打電話打左好多次都冇人聽。

之後出去食定飯就番屋企，番黎果陣，就有人係大中表現踩鋼絲。最勁既係個聖誕老人拿左一張椅同桌，踢住係上面cook野食。

今日上視藝堂上到一半就落左去禮堂影班相。影左兩張正經同兩張Q版，我就坐係男班長隔黎。影到第二張Q版，低B璇就坐我隔黎，我就做個不快既動作，然後就指住佢。

中文堂就去左Fion果組度坐，佢地就講下各人一D見污糟野既經歷(一D時運底先見到既野)。好可怕，Fion、歌王同前2E男班長既經歷都有。

放學就打左陣籃球，比飛機撞到個膝頭，好痛。不過休息左陣就好D。之後就打欖球，今日連葉家俊都黎左打。同好多F.1都去左Camp，所以唔係好多人打。

番到屋企，我阿媽突然間叫我睇下聖誕假去Camp有冇位。經過我睇過之後，就發現有40個位。如果有人想去可以同我講，可以幫你報埋。

今日一番到學校，Miss就叫左我出去台果度。原來有獎比我，係果篇"家有一老，如有一老"既文，拿左個亞軍。有張獎狀同一份獎品。份獎品係一個入面有糖既聖誕裝飾。

放學又係打波，打左陣，我就係體育室"偷"左一個網球同兩支網球拍出黎玩。之後比歐陽發現左，但係佢冇罵我，佢自係問我係唔係有興趣打網球之類既野。之後上1樓做D中史既改正，就落番去打波。

番到屋企，個"芒"終於搞番好，有得打番日記。

今日放學就去補留堂，抄左一陣就去左跑社際環河跑。羅榮濤跑第一個，佢番到黎就係第二。之後到德仔，佢跑完就係第一，大約拉開左20米。到我跑就跑得普普通道，都係跑左5分10秒左右，番到黎就拉開左成150米。春春跑最後一個，番到黎就落後到第二，大約比人拉開左10米。

跑完春春就話自己腳痛所以慢左。丁丁就話追得我好苦。之後女社長話請食野，比左50蚊我地。我上到去留堂班，再抄多半面紙個姐姐就比我走(超好人啊!!)。之後食完野就上1樓做埋中史D野，就落左去踢波。