今日本來就約左肥棋同Fion去行街，但係當我起左身就唔知點解唔係好想去。想打電話比Fion話佢知我唔去，點知打極都冇人聽。

到左3:30，我阿媽就叫我去身體檢查，不過超唔想去。所以就唔理佢，"靜靜雞"走左出門口。就去大中睇下見唔見肥棋佢地。肥棋就唔見，不過就見到老鼠仔同小生，不過佢地就唔理我。踢住就去大埔火車站接丁丁去廣褔球場。

去到就做住後備先，不過好快就可以出場踢。一開始就去左打中場。到左下半場就去左打後衛(右閘)。好傷啊!!一下就同人爭頂頭槌，被人一頂頂左落個頭度，超痛。之後人地就帶住個波衝過黎，我成個人被人撞低左。

今日可以遲D先起身，感覺真係唔錯。8:20分先起身，番學果陣就半跑半行。種感覺真係唔錯。完來冇背書包同跑番學係好舒服嫁!!

番到學校就要上5樓，係度睇書。踢住就話禮堂冇位，所以就落左去1樓。坐左陣，又話有位。所以就落去禮堂。

D嘉賓講D野好長，悶死啦!!D表現就ok。但係都睇過哂，冇咩驚喜。

放左之後就上新達買D野，之後就番左屋企。

夜晚就同肥棋等人傾聽日去街D野。

今日上完上午既堂之後，就同左肥棋、Fion、添、歌王等人去名將食野。仲有一個Miss同我地一齊食。之後飛機都黎埋。飛機叫左成六碟壽司(超有米的說!!)。我就食左碗烏冬同叫左碟雪糕。

番到學校就睇採排，都唔係好悶。D表現都ok，係少左D(得四個表現)。同埋都係琴日合唱團唱得好聽D。

放學又打波。我同丁丁仲比人改左個名叫"孖寶兄弟"。之後又幫跳繩隊做D幕後野。

今日又派卷啦!!今次派既係地理科，Miss派卷果陣就係89分。不過經過我一輪既"求分"之後，最係就有92分。不過我都唔係太滿意。

D平均分計黎計去都係得58分左右，好差啊!!之後一定要發力啊!!如果唔係都唔知會有咩後果。

放學就打波。之後又去左禮堂睇合唱團、中樂團、跳繩隊練習。合唱團唱果首"祝福"真係超好聽啊!!好有共鳴"Keroro、Tamama、Giroro、Dororo、Kururu)。

番到屋企down"祝福"就冇合唱版，只係有張學友既。都係學校既合唱團最好聽(唔係擦鞋喔!!)。

祝福

作詞：丁曉雯 / 作曲：郭子

不要問 不要說 一切盡在不言中
這一刻 偎著燭光 讓我們靜靜的渡過
莫揮手 莫回頭 當我唱起這首歌
怕只怕 淚水輕輕的滑落
願心中永遠留著我的笑容
伴你走過每一個春夏秋冬

幾許愁 幾許憂 人生難免苦與痛
失去過 才能真正懂得去珍惜和擁有
情難捨 人難留 今朝一別各西東
冷和熱 點點滴滴在心頭
願心中永遠留著我的笑容
伴你走過每一個春夏秋冬

傷離別 離別雖然在眼前
說再見 再見不會太遙遠
若有緣 有緣就能期待明天
你和我重逢在燦爛的季節

不要問 不要說 一切盡在不言中
這一刻 偎著燭光 讓我們靜靜的渡過
莫揮手 莫回頭 當我唱起這首歌
願心中留著笑容
伴你渡過每個春夏秋冬

今日出街食完飯之後，我媽媽同細佬細妹就上左去婆婆先。我就去左買一部新佢MP4，D功能都唔錯。

就因為E部MP4，我係入邊找到一首我一直都好想聽，但係又唔知歌名既英文歌。

首歌就叫"Butterfly"，大家想聽就要自己down啦!!