今日係考試既最後一日啦!!但係考既野真係唔係甘容易，唔通真係好戲在後頭，而ED好戲就係中史同埋英文既聆聽。中史就唔係太難，不過地圖題就真係估佢唔到，我完全估錯哂條題目。而英文聆聽就一向都唔係甘好，所以我只係希望可以合格。

之後考完哂試就落去球場打波，好多人都係度打啊!!之後就見到低B璇(科學科既老師)，佢就話我科學考得唔錯，不過佢只係話我考得好果幾個，但係我想考最好啊!!

今日考既就係世史、視藝、音樂同中文既說話。世史就可能係因為琴日臉青比過一D貼士，所以就覺得份卷唔難。視藝就冇話難唔難啦!!好多都係睇圖，都唔知點。音樂我就一向都唔覺得難。最後既中文說話，我就爭住講，所以開頭同結尾都係我講，都係為左D成績，冇計啦!!同大家既約定哦!!

聽日就係考試既最後一日啦!!要加油啊!!

今日就要考兩科既數學，第一份既數學卷都幾難。小息果陣仲見到Fion同安琪都係度喊。第二份就好容易，不過有D就唔識。

今日仲知道左丁丁同丁棋唔可以去今次既Camp，真係好唔開心。 o矣!!丁丁同丁棋唔可以去今次既Camp，又少左兩個熟悉既笑容。

今日考既係地理、中文聆聽同作文。

地理對我黎講就冇難度，不過最後果題就唔記得左混濁點寫，所以就寫左其他答案，唔知得唔得。坐我隔黎果隻"青蛙"就話好難。

之後既聆聽就冇咩問題。之後既作文，篇作文既格式就唔記得左。但係之後果篇"天生我才必有用"好快就知得作好，仲作左成五百幾。

今日考中文閱讀、普通話同電腦。

中文閱讀都唔算係好難，不過有幾條問題就唔識答。之後既普通話就難D啦!!果個默寫好難，讀左一大句野，突然重複果個字一次，又唔知咩字。電腦就超Easy，有溫書喎!!

p.s

最近搞緊個Camp，會係2月11至2月15號其中一日入Camp，去3日2夜，想去話我知啦!!