今日就去Camp啦!!我同阿媽就分兩條路去彩虹港鐵站。我就約左丁丁、丁棋、春春、歌王、一個表姐12:15係放達M記牌等。我同春春都冇遲到，丁丁同丁棋就遲左少少，之後到我個表姐、最後歌王先到。遲左成兩個字啊!!
我地就上去名將食野。我表姐就話唔食，去左行街。我、歌王、春春都食完野。丁丁同丁棋先叫野食，搞到遲左好多先去by車。
到左彩虹港鐵站，我地就by小巴去西貢戶外康樂中心。我地上車就比哂錢，春春就未比。之後佢地就拿左一堆錢比丁棋，我就叫佢拿去入，佢就叫我入。
去到營地，我地去比完錢就拿鎖匙番房。放低D野之後，我地就去打網球。網球真係幾難玩，特別係開波，成日都打唔到落發球區。
之後就去打壁球，今次打壁球就好容易。不過佢地打得好差，搞到都冇咩好玩。之後玩左好多唔同既球類活動。玩完就去食晚餐。
之後丁丁就想買野飲。就同丁棋拿錢。點知就唔見左三十幾蚊。原來之前係小巴比丁棋D錢唔係拿來入錢，係之前係名將食飯果陣還番比丁丁D錢。所以佢地就話我攻入全場最高既38.5分(春春比丁丁果31蚊再加我自己比果7.5蚊)。
食完飯就去左玩滾軸溜冰，春春同丁丁就遲左黎，所以冇得玩。所以我地三個就同我D屋企人玩。我就識玩，歌王就識識地，丁棋就唔識玩，就捉住條柱。
之後就去打羽毛球，我就同歌王同丁棋打。佢地打唔係好識打，我就教佢地。教完都好左D。之後就玩2打1。歌王一球殺球，殺低左，丁棋又剛剛轉左個頭過去，個波就打中左丁棋隻眼。之後有個叔叔黎同我打，佢就同我差唔多實力，所以就打得好激烈。
之後就去洗白白，洗完白白就番房打機，玩啤牌。話甘快就過左12:00... |
