今日番到學就上課室，講一D去參觀地方既野同派工作紙。無無聊聊甘，又拿左肥寶條頸巾黎織。再唔係就睇係書囉!!又要寫對今次參觀既期望。就寫。冇咩期望，只係想快D放學之類既野。

一路by就一路織頸巾。到左就上去7樓聽果個阿伯講野同睇片。之後又睇下D咩雲石、木工、金工、油漆之類既野。同我想既一樣，都係好無聊。

放學又打波。同肥吉等人打全場，就唔累。不過實力真係有D距離。所以就輸左波囉!!

今日起身果陣因為冇食早餐，所以小息就已經好肚餓。落到去食野，就食左個麵同飲野。點知個阿姨就找少左錢比我。不過都算啦!!

之後食完野就去睇丁丁等人打波，佢地打完我又跟住上課室。但係我就一路上樓梯一路拍波。跟住比阿sir捉到，比佢收左粒波。我變成左"千古罪人"啦!!

lunch我就係度學織頸巾，都算織得唔錯啦!!都織左唔少。原來織頸巾真係幾好玩。搞到我now都想自己買D"冷"同針番黎織。

今日唔知點解上第二堂英文堂果陣，有種動力推動我努力上堂。成堂唔單只聽書，仲積極甘答問題同寫底D解釋。英文真係好重要啊!!希望now追都唔遲啦!!對英文有番D好感啦!!

lunch要去禮堂測英文，都係識D唔識D甘啦!!不過我巳經盡左力，都算對得住自己。不過真係唔夠時間，有半頁未做。

今日派成績表，考得好差，比啤啤仲要差。只有53.XX分。要發力先得啦!!我真係唔想下年讀唔到4D啊!!加油啊!!

今日放學又去左跳繩。不過今日得好少人黎，所以阿sir就叫我地自己練習。我就主要練前空翻，其他時間就係玩。

跳完繩就落下面打波，打左冇幾耐就走人。

今日聽人講司徒隻腳整傷左，仲差D斷。希望佢快D好番啦!!

今日番學因為隻腳傷左，所以就by車番學，不過番到去都唔早啦!!

上PE要考曲棍球，本來就唔係好想考住，不過最後都係有考。最後考到10分(滿分)。

放學就即刻番屋企啦!!番到屋企就見到我表姐補送番比我既生日禮物。好開心喔!!暫時收到兩份生日禮物。