今日本身朝早去做Gym，但係隻眼痛，唔想咁早起身，同埋晏D 要考車，所以無去到！訓到十點幾十一點起身，換衫就出去左學車了！有點緊張…雖然Pre-test，但係都有少少壓力，我仲要同第二個人一齊用一架車黎考，佢考時我做乘客，我考時佢就做番乘客！之前我考中期就自己一個，所以係無咩壓力，好快就攪掂！今次要同第二個一齊考，真係唔係幾想，不過無得揀。

去到架車度，阿Sir 叫我地是但一個先，我就做左之後果個，真係好傻，一上到車先覺得做先係好好多，快D 渣完就唔駛驚麻…攪到成程車我都係幾緊張，好彩果個人手車極麻麻…一波行晒一條大直路、小路出大路唔讓車、引擎經常有噪音、開行時未有觀察交通環境、換線時速度不變…真係好多野錯！而做得好的地方就係轉彎時每個路作都做足…見到佢咁，本黎幾緊張的，但我心信我會比佢好！

到我行時，我要行宏業東…>_< 佢就可以行元朗邨！我手車都係麻麻…離合器過早提起、車輛震動！我同佢所有野都係剛剛相反…都唔知真係考試我隻左腳會唔會震到郁唔到！模擬都已經咁，真係好難想象到時點…不過最後都無咩問題，我好早就走得！

之後去左慈恩度整電腦，^*&#*%&$，足足整左六個鐘！係咁Up 都Up 唔到去XP…整到XP 佢又無底板同埋Sound Card 的Dirver…個XP 又唔識自己上網Install！整左我六個鐘都整唔到…真係好激氣！本黎仲諗住同阿正去做Gym，攪到阿正等左我兩個鐘我都黎唔到。>_< 最後成八點先走…返到屋企整好晒野，之後………

****** 日 記 內 容 被 使 用 者 隱 藏 ******