Lei 度係我第一次同妳食波仔飯的地方…真係好開心呀！我記得當時只係得一盒，我睇住妳食已經開心喇！

Lei 度第一次同妳單獨係公園玩…仲影左相添！我仲收到而家…其實我個時已經好想同妳講我好鍾意妳架喇！可惜我自己無勇氣去講這番話！不過係度我可以影到妳第一張自願的相，我好開心！

係度我同妳一齊坐低傾計…妳同我話妳屋企的事我覺得同妳的關係親密左，仲係度睇天空上的星星！仲記得妳唔小心整到個頭添，個時我真係好擔心妳有事，因為妳身子比較差！

第一次妳介紹比我食的餅，之前都買過一隻，不過妳話Lei 隻純正D，正D…好記得妳仲餵埋我添！

妳整o既第一個蛋糕要用料，我好開心會有個人為我整Cake！個種心情好難形容，總之有人錫自己真係好幸福，妳仲要整左幾次添！每一個我都好想食架，仲想食晒添…真係好想食晒成個愛心Cake

每天的早餐都要妳食叮叮波仔、餃子同埋公仔麵，我都知會有厭的一日，其實我都好想真係搵一日整一餐好o既比妳！等妳食得開開心心…我一定會親手為妳煮一餐比妳食，一定會我一定會架！

每天送妳去返工的路都好寫意，妳又好似唔趕時間咁！同妳行o既時間真係咩都唔駛諗…真係太好。

記得同妳行Lei 條路，妳的每個表情都氹得我好開心，妳o既每一個小烏BB 嘴我都唔會唔記得！^3^ 送走妳去西鐵站我有千萬個唔捨得。

那時，我同妳單獨行Lei 條路我真係好珍惜同妳的時間，可以由元朗同妳行返天水圍，個條路真係好漫長，但係同妳一齊行真係不經不覺就行完了！今日我行返的時間真係好孤單，每個路人都會有伴，無的話都有架單車，而我就自己一個行…心真係好酸！

同妳齊買Cake 知妳整我食，就算未食我都已經甜死了！

返學時成日同妳一齊食o既車仔麵，而家唔知係唔係汁笠？不過我的記憶係唔會忘記，大家交換餸食，妳又成日都好"論盡"

第一次打機激嬲妳後同妳去左生活之味食，仲食左好多野…妳嬲我表示妳關心我呀！我知架…

記得妳第一次帶我去剪頭髮，我去等妳。妳仲怕我悶特登買本雜誌比我睇黎等妳！妳對我真係好

妳同我去配Con 的地方…個日妳仲同我配埋眼鏡！成日出元朗的目的妳都係為我我一個…我真係唔知點講我心的感受，我覺得就算唔知同妳做咩，只要妳係我身邊，我就快樂架喇！

返緊學時同妳去食早餐，當時的妳唔怕遲到，可以同妳慢慢咁食！雖然我無食野，但我睇住妳食個樣我心內真係笑左出黎…

同妳去食燒味飯的地方，妳介紹我食的…

第一次同妳大排檔的地方…妳仲會夾野食比我，幸福死其他人！我個時唔係好識講野，但妳的每一個動作都令我覺得係最幸福的人

阿Sir 屋企樓下！個時我真係已經非常鍾意妳，可惜………

我一世都唔會唔記得Lei 條樓梯，同妳好多次係度坐低，初初真係咩都唔敢，耐左有時真係好累，比妳 I 下我肩頭，我都好開心…個心仲跳得好快好快！有次妳流鼻血，我又無紙巾，個時我仲諗住落樓買，真係好蠢…買得黎都唔知妳點，我真係好擔心妳，個時咩都無諗，就即刻按人地門鐘問人拎紙巾，唔係妳真係有排流…當時我好驚妳會有事！仲記得個次之後阿Sir 已經急不及待問我

同妳食過寶島…仲兩個人食一個餐添，妳記得我地當時的溫馨場面嗎？

刀削麵，同妳都食過唔少次！兩間都食過…妳仲成日同慈恩串我，我有唔開心的，因為妳講的每一句說話我都好在意！妳仲話妳自己好鍾意食添，成日想食，我都想可以單獨同妳去食！不過咁耐都未試過…

三寶…妳有次仲特登話Lei 間係最好味…妳係阿Sir 度餵我食，我真係好開心，感覺Sweet…

同妳食過兩次了！個時我坐係妳隔離，仲同妳一齊睇一本Milk 添…妳仲記唔記得？

其實今日我一早已經係度等妳…等到妳打比我，妳仲未醒，妳叫我去做鍾意做的事，我又諗唔到有咩做…周圍行下行下，就行左好多同妳去過的地方…行完返黎其實我已經一直係妳附近等緊妳！

我仲有好多好多野未打架…因為我同妳的回憶真係好多好多…雖然係短短幾個月，但諗深一層，我同妳去過的地方都唔少！我好想同妳再去其他更多更多的地方…>_< 豬豬！希望妳明白我的心意…Love U Forever

我個人可能太過怕醜
無咩野真心朋友
但係同妳識左之後
係我最快樂時候