今朝六點幾已經醒左，訓得個一個鐘度…不過起身後好精神！之後靜靜雞落床換衫出門口，連電話都無帶…行左去銀座間七仔買Kinder同埋咖啡…之後行返屋企了！返到房就拎左D 文具同埋個麵包超人磁石走左去細妹間房度整…嘈醒左佢！之後係度Cut 隻蛋，再寫埋張紙仔就放入去，不過唔夠位，頂…最後係咁質係咁質先可以岩岩好放到…不過包返張紙就麻麻地！明顯被拆過…之後再用膠水黏返埋個盒！

跟著就返返上床扮訓了…去到九點幾阿婷就醒左！之後佢就落去玩電腦，我就送左個Kinder 比佢喇，佢個時都唔知咩事，仲係度問我幾時買添…之後佢開左仲話要比一隻慈恩，咁岩得咁橋，佢揀左我整個隻…Shit！(都唔知點解佢錫慈恩多過錫我-_-)之後係咁話唔好喇，第二隻喇…個時我都講到好明顯咁！最後係個一刻比佢知道左我做左手腳…唉！無晒驚喜喇…壞我大事。

之後整左個早餐比阿婷食…食完之後上左陣網睇新聞，跟著佢就拆個Kinder 出奇蛋喇，佢第一句就話我整過D 咩黎，God…無晒驚喜了，浪費左我D 心機…>_< 之後佢拆開左，見到份禮物…佢好開心，之後講返比佢聽幾點買，幾時整！之後我打返日記，佢就返上床訓教了…而我只係訓得果一個鐘，當然又去訓埋一份！訓到一點度就醒左喇…

之後玩左成粒鐘…兩點先正式去溫書，溫書我填飽左個肚，母親大人親自為我烹調，好味…食左三碗粥。之後就開始溫書了，溫到五點零五分…之後就玩電腦、打日記，好開心！之後玩到六點幾，牛丸打黎話今晚阿Sir 唔開心，想BBQ…之後答應左…阿Sir 尋日已經好火架喇，今日仲要唔教要去食野，我諗今次比上次一定仲要離譜！之後係屋企繼續磨多陣…跟著就同婷去銀座提錢，之後佢返屋企放低左個袋…Then，就落元朗了！

搭輕鐵時係度睇Monday，今期少左好多猿人呀…Shit！不過都睇得好開心，之後就行左去韓舍度等位…早左成半個鐘到。之後係度睇雜誌，好快就已經有位了…之後我地未等到阿Sir 已經開始了，因為太肚餓！但係阿Sir 好快就到了…之後邊食邊傾計！不過阿良好慘…

之後阿Sir 係咁問我問答，攪到我耳仔勁紅…自己睇張相真係紅到好似太陽咁。而阿婷就一樣都係咁紅，不過佢係面紅…雖然係咁，不過真係好開心呀，又有得食，又有得玩…睇見阿Sir 完全唔似唔開心！真係好喇…今日我食左好多野，真係咩都有！最難忘係食雪糕，真係滋味…慈恩仲係度我對面話我同佢係度鬥幸福，真係比佢吹漲！

最後食都真係好飽，但係仲有好多野係未試過…唉！好想下次再去，真係好開心呀今日…第一次食雪糕食都咁開心！之後走o既時候大家都有講有笑…真係好輕鬆，種感覺真係好美好！之後搭輕鐵好好笑，睇見慈恩真係雙面人黎…真係估佢唔到！跟著送阿婷返去，Then 自己就行返屋企了！返到屋企成個人散晒，不過都好想打日記，真係好想記低晒所有o既野，不過實在太多野，留左腦海之中…同埋好彩今日晏就打左部份日記，唔駛係而家咁累o既時候打咁多日記…所以好快就打完了！要好好休息了…