四點幾已經起左身喇，真係盡最後最後o既努力…五點鐘正式溫書！食左個飯團就開工了，唔知點解唔會眼訓…可能死到臨頭有D 知驚，所以唔會眼訓。咩都睇多一眼咁，之後同婷行左去銀座買咖啡同埋提錢交學費…之後就行去茂峰喇！

一入去就見到牛丸了，傾下計，扮下勁咁唔溫書，係度講英文…咩都出齊。傾傾下計傾到夠鐘就上去戰場了…一睇到份卷好多唔識…見到條Essay 無OChem，真係頂！D粗口係心裡面湧出黎，真係頂…有條Essay 我一定可以合格，點知出兩條都無一條係識…PK

跟著做前面個D，真係好比心機去做，因為Essay 個度已經無左廿分架喇，前面唔可以失太多分，所以主力係做前面個D，不過都有好多唔識，但我都絛放棄過，係咁做係咁做…最後做完仲有一個鐘頭可寫Essay，如果係OChem 咪好囉，唉！個天都係有心玩我架喇，之後寫極都寫唔出野，真係諗到頭都爆…最後寫左少少野就做返前而個D 喇，係咁諗係咁Check…

完左份卷就同明賢、佳佳、Jerry、阿立同埋牛丸去食野…都無溫過書！我就係度係咁埋怨點解會無OChem…之後食完就返返去溫書了！不過個時的心情就好想考完，差個幾個鐘都要去諗點玩…唉！不過係咁溫得太多盞個腦塞架姐，最後都係舒舒服服咁休息囉…睇左第二份券，真係條條都有D唔識架喎，除左乙部個D OChem 有信心外，其他題題都……本黎想做繪圖個題架，但係諗諗下對自己無咩信心…之後其他個D 都係唔識，除左第一題…真係好想死個一刻！好想喊呀…無題可以比我識晒，最後都係放棄左繪圖個題，之後做左後面D OChem 先喇，令到有返D 信心先…^^ 之後再做返之前個D Phy Chem，係咁諗係咁諗，終於比我諗到D，起碼有D 頭緒…

最後做晒要做，同埋自己識做個D…做完之後都唔覺得自己可以合格，最衰條Essay，好嬲…好傷心！唉…之後去左搵阿婷。途中好多電話…唉。灰晒，都唔知點答自己今日考成點…算喇。過左去了…之後婷上左黎我度！到左六點幾就陪佢去左行銀座同埋新北江搵野食，點知個時剛剛牛丸打黎話阿Sir 可以去打邊爐…正！之後就上左阿婷度放低個袋就出去了…落到元朗，阿Sir 同埋牛丸已經渣車去左買野囉，我就同阿婷行左陣千色，就可以上去了…

上到去無咩點做過野，哈哈…好嘆！不過睇睇下雜誌有條問題真係好抵死，真係好好笑，估唔到個答案可以咁…問題【無胸o既女人】猜一種男人失儀/失禮o既行為…開左估比阿婷同埋牛丸聽，佢地都Get 唔到！哈哈…之後到阿Sir 估，佢要左提示後就估到喇，真係勁…阿Sir 真係阿Sir…跟著就開始打邊爐了，好開心呀！考完成個人鬆晒，第一次上去阿Sir 度唔駛補習，可以玩…個種感覺好自由呀！

一打就打左十二點幾了，時間真係過得特別快…我都係食左少少野同埋打左陣機，不過佢地就好多都係睇攪鬼甲蟲車…之後就送阿婷返囉，而我就返屋企沖完個涼就打下日記，因為太多日都無打過喇，同埋之前應承過唔會開電腦，所以一考完就忍唔住去玩電腦了！正…朝頭早仲係好擔心o既心情，但係一考完成個人就傻左咁…一日可以有咁多種心情！真係變得快…

無聊一貼…請看定中間的十字架