今朝早唔駛補習，補晏就…所以就係屋企訓耐D。點知九點幾十點已經起左身…唉！之後開電腦玩左陣，知道阿婷一個係學校，所以就換衫汁野落元朗陪佢去食野…返到學校見到阿鋒都到左，之後就出左去買野食！食腸粉魚蛋雞翼…食完就去溫陣書了。係度做Past Paper，好多都唔識，成日都唔知佢想問咩！死火…之後阿婷同埋慈恩去左填表見工，我就係度同黃進同埋阿鋒吹左一陣水，之後就一個去左阿Sir度，咁岩阿Sir訓醒，唔駛叫醒佢都可以入去囉，阿婷黎之前仲買左魚蛋上黎食添，原來咁樣食法真係幾好味，不過可以我生飛滋呀，唉…好痛！

之後等齊o既時候又係度打下PSP，之後就開始補習囉！話咁快就補完，臨走前又打多一場Winning…之後就行返學校了。返學校途中阿婷完全無咩點講野，我都唔知發生咩事，返到學校佢就即刻溫書，一粒聲都無出！>_<問佢又話無野，明明係有野都話無，攪到我溫唔到書，用左成大半個鐘都係做左一兩題短題目，>_<…死問爛問底下終於知道佢係嬲我AL 前仲打機，仲要不停咁打！

氹左佢好耐都唔係幾出聲…不過好彩最後佢都彩返我！^3^ 個時知道佢都係為我個AL 好先會咁，我都應承左佢AL 前唔打機，唔玩電腦…之後知道佢係補習時都話肚仔餓，不過係嬲到無出聲先唔話我知，之後同左佢去生活滋味度食…見返佢講野個心都舒服D！不過就浪費左成個鐘頭的時候無溫到書！>_<

去到叫左野食之後就睇Chem，估唔到要食飯都拎住黎溫…力就真係已經差唔多去盡，不過換黎o既成果係點就要睇下到時o既表現同埋運仔喇！D野食一黎，嘩！勁多野食，大半張枱都係…好抵食。婷見到咁多野食成個開心晒，hehe！之前見到佢個樣真係好唔知點咁，明明係嬲又話無野，真係唔問落去都唔知佢嬲我打機…不過算喇，過左去…

食完野返返學校繼續努力一陣，跟著八點幾九點就走了…係西鐵站，婷係度問阿鋒西鐵站月站上的字，阿鋒講o既都唔係好明，不過我而家更加清楚咩數字係咩用…係差D 英文代號唔明！