今日八點幾就被嘈醒左…之後再訓返，訓到九點！本黎話返一返母校，不過又無人陪喎！亞四又未打黎，所以十成九都係唔去返喇！之後九點幾出門口去左接阿婷，之後返返屋企…好野，有牛奶睇。開心死…睇左幾版之後就收到亞四個電話，佢已經行緊返黎，所以我毫拿拿聲換衫陪佢返母校。落到去，已經撞到佢喇！之後齊行返去，嘩！好耐未返過去喇，成間學校唔同晒，真係唔似學校咁，直頭係一個世外桃源一樣…

之後同亞四行左去校務處等人帶我地上去，仲撞到亞珊同埋陳浩然…一入到去，聽到一段段好悲傷的音樂，見到個個都目無表情，個一刻我都正經起黎。成個場地都好靜，只係聽到音樂，見到各位同學仔都係度寫緊紙仔，我都坐埋一邊寫。雖然我同Miss Wan 唔熟，直頭係唔識添，不過都盡一點心意！見到譚Sir 無咩表情，之後仲入左休息室添，我都知佢一定好傷心… >_< 寫完比Miss Wan 的說話之後仲拎多張寫比譚Sir。見到譚Sir 咁樣我都無同佢上前打招呼，希望佢可以堅強D，唔好太過傷心喇！

寫完紙仔行返出去，同返D 同學仔聚舊…嘩！今日見到好多之前的朋友仔，佢地個個個樣都好似無咩點變，不過好多都成熟左…而小強就係我地咁多個之中唯一一個大學生！真係好勁…Lin Lin、歐學成、李孝忠就即將成為大學生喇…真係羨慕！亞呆就做緊野同埋學畫畫。唉…我就………算喇！傾完一輪之後我地就參觀一下校舍，行左去教員室搵曾Sir…等左好耐，終於見到佢，成班都話同佢去食飯，但係時間尚早。最後曾Sir 親自帶領我地參觀一下新興建的設施，真係好多好多呀…簡直難以相信，點解係我走左之後先會整到咁靚，豈有此理！樣樣都好靚，根本就唔係一間學校黎，連野貓皮、鱷魚皮都有…最勁係象牙都有，不過因為太貴無拎出黎…可惜！

之後十一點幾同亞四行多一圈魚缸先走，真係好靚…D 熱帶魚識發光咁！最後亞四要趕住返工，所以就走囉…送埋佢去輕鐵站先返屋企！返到去，食個午餐之後就睇左陣筆記，由於飯氣攻心又去訓左…真係好累！返左學校個幾鐘就真係行左個幾鐘…未停過。遲下真係要返返去探下Miss 阿Sir 同埋參觀下！

一訓就訓到四五點，之後亞四打黎嘈醒左！比佢玩死…好彩阿婷聽到晒，唔係我就變左講大話。跟著又賴下床先起身…跟著收到Winnie 電話可能唔駛補，Oh…最後真係唔駛補！跟著係屋企食埋飯先去阿婷度拎筆記，同阿B 玩左陣…之後就行返返屋企。沖完涼好精神咁睇左幾頁Chem，但係真係好熱，上左去邊涼冷氣邊睇…最後因為太舒服就訓左喇。